കൊച്ചി: ലുലുമാളിലെ ഓണാഘോഷത്തിന്റെ ഭാഗമായി നാളെ വിവിധ ബാൻഡുകൾ സംഗീതവിരുന്ന് അവതരിപ്പിക്കും. ചെമ്മീൻ, ഉറുമി, ഹരിശങ്കരൻ തുടങ്ങിയ പിന്നണിഗായകർ പങ്കെടുക്കും. വൈകിട്ട് 6 മുതൽ രാത്രി 10വരെയാണ് സമയം.

ടിക്കറ്റ് വിതരണം സിനിമാതാരങ്ങളായ അഷ്‌കർ അലി, ഹൃതു ഹാരൂൺ, പ്രീതി മുകുന്ദൻ, മിധുട്ടി, അർജുൻ സുന്ദരേശൻ എന്നിവർ ചേർന്ന് ഉദ്ഘാടനം ചെയ്തു. ബുക്ക്മൈ ആപ്പ് വഴി ടിക്കറ്റുകൾ ബുക്ക് ചെയ്യാം.

ഓണാഘോഷത്തിന്റെ ഭാ​ഗമായി കഥകളി, തെയ്യം, കളരിപ്പയറ്റ്, നൃത്തരൂപങ്ങളുമൊരുക്കി മെ​ഗാആർട്ട് ഫ്യൂഷനും അരങ്ങേറി.

ലുലുമാൾ കൊച്ചി ഓപ്പറേഷൻസ് മാനേജർ ഒ. സുകുമാരൻ, സെക്യൂരിറ്റി മാനേജർ. കെ.ആർ. ബിജു, സിനിമാ സംവിധായകൻ ഫൈസൽ ഫസലുദ്ദീൻ, നിർമ്മാതാവ് സഞ്ജു ഉണ്ണിത്താൻ എന്നിവർ സംസാരിച്ചു.