കട്ടപ്പന: റോട്ടറി ക്ലബ് ഓഫ് ഹെറിറ്റേജ്, റോട്ടറി വിമൻസ് ക്ലബ് ഓഫ് ഹെറിറ്റേജും ചേർന്ന് അമൃതം എന്ന പേരിൽ ബോധവത്കരണ സെമിനാർ നടത്തി. നഗരസഭ ചെയർപേഴ്സൺ ബീന ടോമി പരിപാടി ഉദ്ഘാടനം ചെയ്തു. കുഞ്ഞുങ്ങളുടെ ആരോഗ്യത്തിന്റെ അടിസ്ഥാനമായ മുലയൂട്ടലിന്റെ പ്രാധാന്യം ജനങ്ങളിലേക്കെത്തിക്കുക എന്ന ലക്ഷ്യത്തോടെയാണ് സെമിനാർ നടത്തിയത്. ആദ്യത്തെ ആഹാരം ആരോഗ്യത്തിന്റെ അടിസ്ഥാനം എന്ന വിഷയത്തിൽ കോട്ടയം മിറ്റേര ഹോസ്പിറ്റൽ ശിശുരോഗവിദഗ്ധനും നിയാനറ്റോളജിസ്റ്റുമായ ഡോ. ലിൻസ് പോൾ ക്ലാസ് നയിച്ചു. റോട്ടറി ക്ലബ് ഓഫ് കട്ടപ്പന ഹെറിറ്റേജ് പ്രസിഡന്റ് അഖിൽ വിശ്വനാഥൻ അദ്ധ്യക്ഷനായി. നഗരസഭ വൈസ് ചെയർമാൻ കെ.ജെ. ബെന്നി മുഖ്യ പ്രഭാഷണം നടത്തി.