പഴയരിക്കണ്ടം: ഗവ. ഹൈസ്‌കൂൾ ബാന്റ് ട്രൂപ്പിന്റെ അരങ്ങേറ്റം നാളെ രാവിലെ 10ന് ജില്ലാ പഞ്ചായത്ത് പ്രസിഡന്റ് രാരിച്ചൻ നീറണാംകുന്നേൽ നിർവഹിക്കും. പഞ്ചായത്ത് പ്രസിഡന്റ് വക്കച്ചൻ വയലിൽ, ജില്ലാ പഞ്ചായത്ത് അംഗം ഷൈനി റെജി, ഗ്രാമ പഞ്ചായത്ത് വൈസ് പ്രസിഡന്റ് രാജേശ്വരി രാജൻ, ഇടുക്കി ബ്ലോക്ക് പഞ്ചായത്ത് സ്റ്റാന്റിംഗ് കമ്മറ്റി ചെയർപേഴ്സൺ ഉഷ മോഹനൻ, പൊതുവിദ്യാഭ്യാസ ഉപഡയറക്ടർ ഗീത പി.സി തുടങ്ങിയവർ പങ്കെടുക്കും. നാലാം ക്ലാസ് മുതൽ ഏഴാം ക്ലാസ് വരെയുള്ള കുട്ടികളെ ഉൾപ്പെടുത്തി ആരംഭിച്ച ബാന്റ് മേളം ട്രൂപ്പാണ് പരിശീലനം പൂർത്തിയാക്കി അരങ്ങേറ്റം നടത്തന്നത്. വിദ്യാർഥികളെ ലഹരി,​ മൊബൈൽ ഉപയോഗം എന്നീ ആസക്തികളിൽ നിന്നും പിന്തിരിപ്പിക്കുന്നതിനായി പി.ടി.എ കഴിഞ്ഞ മൂന്ന് വർഷക്കാലമായി ആവിഷ്‌കരിച്ച് നടപ്പിലാക്കി വരുന്ന വിവിധ കലാ - കായിക പരിശീലന പദ്ധതികളുടെ ഭാഗമായാണ് പരിശീലനം നടപ്പിലാക്കിയത്. ചെണ്ടമേളം, മ്യൂസിക്, ഡ്രോയിംഗ്, നൃത്തം, യോഗ, കരാട്ടെ, ക്രാഫ്റ്റ്, സൂംബാ ഡാൻസ് തുടങ്ങിയ വിവിധ ഇനങ്ങൾ സ്കൂളിൽ നടക്കുന്നുണ്ട്.