കട്ടപ്പന: വനിതകൾക്കുള്ള യോഗാ പരിശീലനത്തിന്റെ കാഞ്ചിയാർ പഞ്ചായത്ത് തല ഉദ്ഘാടനം നടന്നു. പഞ്ചായത്ത് പ്രസിഡന്റ് സുരേഷ് കുഴിക്കാട്ട് ഉദ്ഘാടനം നിർവഹിച്ചു. ഒരു വർഷം നീണ്ടുനിൽക്കുന്ന യോഗ പരിശീലനമാണ് പഞ്ചായത്തിൽ നടക്കുന്നത്. വനിതകളുടെ ആരോഗ്യ സംരക്ഷണം ലക്ഷ്യം വെച്ചാണ് യോഗ പരിശീലനത്തിന് കാഞ്ചിയാർ പഞ്ചായത്ത് തുടക്കം കുറിച്ചിരിക്കുന്നത്. പഞ്ചായത്തിന്റെ വാർഷിക പദ്ധതിയിൽ ഉൾപ്പെടുത്തിയാണ് ഇത് നടപ്പിലാക്കുന്നത്. ഒരു വർഷം നീണ്ടുനിൽക്കുന്ന പദ്ധതിക്ക് നൂറോളം വനിതകളെ യോഗ പരിശീലിപ്പിക്കുക എന്നതാണ് ലക്ഷ്യം. തുടർന്നുള്ള ആഴ്ചകളിൽ മുൻകൂട്ടി തീയതി നിശ്ചയിച്ച വാർഡുകളിലെ വിവിധ മേഖലകളിൽ ആണ് യോഗാപരിശീലം നടത്തുന്നത്. 202526 വാർഷിക പദ്ധതിയിലെ പ്രധാന ഒരു വിഭാഗം ആയിരുന്നു വനിതകൾക്കുള്ള യോഗ പരിശീലനം. ഉദ്ഘാടന യോഗത്തിൽ പഞ്ചായത്ത് അംഗം ബിന്ദു മധുകുട്ടൻ അധ്യക്ഷത വഹിച്ചു. ഐ.സി.ഡി.എസ് സൂപ്പർവൈസർ സ്‌നേഹ സേവിയർ പദ്ധതിയുടെ വിശദീകരണം നടത്തി. കാഞ്ചിയാർ കുടുംബാരോഗ്യ കേന്ദ്രം ജെ.എച്ച്.ഐ ലത, അനീഷ് എന്നിവരും രമ മനോഹരൻ, കണ്ണാമണി തുടങ്ങിയവർ പ്രസംഗിച്ചു. തോംസൺ ചെറിയാനാണ് യോഗ പരിശീലനം നടത്തുന്നത്.