മൂന്നാർ: ദേവികുളം സബ് കളക്ടറായിരുന്ന വി.എം. ജയകൃഷ്ണന് സ്ഥാനമൊഴിഞ്ഞു. സപ്ലൈകോ എം.ഡിയായിട്ടാണ് സ്ഥലം മാറ്റം. 2023 ഡിസംബറിലാണ് വി.എം. ജയകൃഷ്ണൻ ദേവികുളം സബ് കളക്ടറായി ചുമതലയേൽക്കുന്നത്. പകരം വി.എം. ആര്യ ദേവികുളം സബ് കളക്ടറായി ചുമതലയേറ്റു. മുൻ സബ് കളക്ടർ ആരംഭിച്ച നീലക്കുറിഞ്ഞി ഉദ്യാനത്തിന്റെ വിഷയങ്ങൾ പരിഹരിക്കുന്നതിനും ജനങ്ങളുടെ ആവശ്യങ്ങൾ കണ്ടറിഞ്ഞ് ചെയ്യുന്നതിനും പട്ടയ ഭൂ പ്രശ്നങ്ങൾ പരിഹരിക്കുന്നതിനും കുട്ടികളുടെ വിദ്യാഭ്യാസ കാര്യങ്ങളിൽ ഇടപെടൽ നടത്തുന്നതിനും മുന്തിയ പരിഗണന നൽകുമെന്ന് വി.എം. ആര്യ പറഞ്ഞു.