തൊടുപുഴ: കേരള എൻ.ജി.ഒ യൂണിയൻ സംസ്ഥാന ജീവനക്കാർക്കായി സംഘടിപ്പിക്കുന്ന പതിനൊന്നാമത് സംസ്ഥാന ചെസ്, കാരംസ് മത്സരങ്ങൾ ഇന്ന് തൊടുപുഴ ഡോ. എ.പി.ജെ അബ്ദുൾ കലാം ഹയർ സെക്കൻഡറി സ്‌കൂളിൽ നടക്കും. മത്സരങ്ങൾ രാവിലെ 10ന് അഡ്വ. എ. രാജ എം.എൽ.എ ഉദ്ഘാടനം ചെയ്യും. യൂണിയൻ സംസ്ഥാന പ്രസിഡന്റ് എം.എ. അജിത് കുമാർ, ജനറൽ സെക്രട്ടറി എം.വി. ശശിധരൻ എന്നിവർ പങ്കെടുക്കും. യൂണിയൻ ജില്ലാ കമ്മിറ്റികൾ സംഘടിപ്പിച്ച ജില്ലാതല ചെസ്, കാരംസ് മത്സരങ്ങളിൽ ഒന്നാം സ്ഥാനം ലഭിച്ചവർ മത്സരങ്ങളിൽ പങ്കെടുക്കും.