ഇടുക്കി: സർക്കാർ എൻജിനിയറിങ് കോളേജിലെ ഒന്നാം വർഷ വിദ്യാർത്ഥികളായ ആൺകുട്ടികൾക്കായി നിർമ്മിച്ച ഹോസ്റ്റലിന്റെ ഉദ്ഘാടനം ജില്ലാ കളക്ടർ വി. വിഗ്‌നേശ്വരി നിർവഹിച്ചു. കോളേജ് പ്രിൻസിപ്പൽ ഡോ. ബൈജു ശശിധരൻ അദ്ധ്യക്ഷത വഹിച്ചു. പി.ഡബ്ല്യു.ഡി വിട്ടു നൽകിയ കെട്ടിടത്തിലാണ് പുതുതായി ഹോസ്റ്റൽ ആരംഭിച്ചത്. ഉപയോഗിക്കാതിരുന്ന കെട്ടിടം ജില്ലാ കളക്ടറുടെ പ്രത്യേക നിർദേശപ്രകാരമാണ് കോളേജിന് വിട്ടുനൽകിയത്. കോളേജിന്റെ പി.ടി.എ മുൻകൈയെടുത്ത് അഞ്ച് ലക്ഷത്തോളം രൂപ ചെലവാക്കിയാണ് നിർമ്മാണപ്രവർത്തനങ്ങൾ നടത്തിയത്. യോഗത്തിൽ പി.ടി.എ വൈസ് പ്രസിഡന്റ് റോയ് ജോസഫ്, കോളേജ് ഹോസ്റ്റൽ വാർഡൻ പ്രൊഫ. ഉമേഷ് എ.സി, പി.ഡബ്ല്യു.ഡി പ്രതിനിധി ഷൈജു, കോളേജിലെ വിവിധ വകുപ്പുകളുടെ മേധാവികളായ ഡോ. രഘുനാഥൻ രാജേഷ്, ഡോ. മഞ്ജു മാനുവൽ, ഡോ. ഡോളി മേരി, ഡോ. മധു കെ പി, കോളേജ് ഡീൻമാരായ ഡോ. സന്തോഷ്‌കുമാർ, ഡോ. പ്രമോദ് വി കെ, ഡോ. ഷെരീഫ് ആർ.എം, എൻ.എസ്.എസ് പ്രോഗ്രാം ഓഫീസർ പ്രൊഫ. ഫിലുമോൻ ജോസഫ് എന്നിവർ പങ്കെടുത്തു.