അടിമാലി: ടൂറിസം ആൻഡ് അഗ്രികൾച്ചറൽ ഡെവലപ്പ്്‌മെന്റ് സൊസൈറ്റിയുടെയും അടിമാലി ഗ്രാമപഞ്ചായത്ത്, മറ്റിതര സംഘടനകൾ എന്നിവയുടെ സഹകരണത്തോടെ അടിമാലിയിൽ വിപുലമായ സ്വാതന്ത്രദിനാഘോഷം നടന്നു.അടിമാലി സർക്കാർ ഹൈസ്‌ക്കൂൾ പരിസരത്തു നിന്നായിരുന്നു സ്വാതന്ത്രദിന റാലിക്ക് തുടക്കം കുറിച്ചത്.അടിമാലി സി ഐ ലൈജുമോൻ സി വി റാലി ഫ്ളാഗ് ഓഫ് ചെയ്തു.സ്‌കൂൾ, കോളേജ് വിദ്യാർത്ഥികൾ,കുടുംബശ്രീ പ്രവർത്തകർ,മറ്റിതര സംഘടനാ പ്രവർത്തകർ തുടങ്ങിയവരൊക്കെയും റാലിയുടെ ഭാഗമായി.വാദ്യമേളങ്ങൾ, നാടൻ കലാരൂപങ്ങൾ, നിശ്ചലദൃശ്യങ്ങൾ, പ്രശ്ചന്നവേഷങ്ങൾ എന്നിവയെല്ലാം സ്വാതന്ത്രദിന റാലിയെ വർണ്ണാഭമാക്കി.സ്വാതന്ത്രദിന റാലിക്ക് ശേഷം സമ്മേളനം നടന്നു.സാഹിത്യകാരനും പ്രഭാഷകനുമായ പി സുരേന്ദ്രൻ സ്വാതന്ത്രദിന സന്ദേശം നൽകി.അഡ്വ. എ രാജ എം എൽ എ അദ്ധ്യക്ഷത വഹിച്ചു.അഡ്വ. ഡീൻ കുര്യാക്കോസ് എം പി മുഖ്യാതിഥിയായി.സ്വാതന്ത്രദിനാഘോഷത്തിന്റെ ഭാഗമായി നടത്തിയ വിവിധ മത്സരങ്ങളിൽ വിജയികളായവർക്കും റാലിയിൽ അണിനിരന്ന മികച്ച നിശ്ചലദൃശ്യം, വാഹനാലങ്കാരം,ഫാൻസി ഡ്രസ് എന്നിവക്കുമുള്ള ഉപഹാരങ്ങൾ സമ്മേളനത്തിൽ സമ്മാനിച്ചു.അടിമാലി ടൂറിസം ആൻഡ് അഗ്രികൾച്ചറൽ ഡെവലപ്പ്്‌മെന്റ് സൊസൈറ്റിയുടെയും അടിമാലി ഗ്രാമപഞ്ചായത്ത്, മറ്റിതര സംഘടനകൾ എന്നിവയുടെ സഹകരണത്തോടെയാണ് സ്വാതന്ത്രദിനാഘോഷ പരിപാടികൾ നടന്നത്.