തൊടുപുഴ: മങ്ങാട്ടുകവലയിൽ പ്രവർത്തിക്കുന്ന തടിമില്ലിൽ രാത്രിയുണ്ടായ തീപിടിത്തത്തിൽ നാശം. വെള്ളിയാഴ്ച രാത്രി 10.50ന് വെങ്ങല്ലൂർ മനയാനിക്കൽ തോമസ് ജോസഫിന്റെ ഉടമസ്ഥതയിലുള്ള മില്ലിലാണ് തീപിടിത്തം ഉണ്ടായത്. തീപടരുന്ന കണ്ട നാട്ടുകാരാണ് അഗ്നിരക്ഷാ സേനയെ വിവരമറിയിച്ചത്. മേൽക്കൂരയുടെ ഒരു ഭാഗം, അറക്കപ്പൊടി, കുറച്ച് പലകകൾ തുടങ്ങിയവ കത്തി നശിച്ചു. സേന ഉടൻ തന്നെ സ്ഥലത്തെത്തി 35 മിനിട്ടുകൊണ്ട് തീ അണച്ചു.
ഇരുപതിനായിരത്തിലധികം രൂപയുടെ നാശനഷ്ടമുണ്ടെന്നാണ് പ്രാഥമിക നിഗമനമെന്ന് അഗ്നിരക്ഷാ സേന അറിയിച്ചു. അപകടകാരണം ഷോർട്ട് സർക്യൂട്ടാണെന്നാണ് കരുതുന്നത്.
സീനിയർ ഫയർ ആൻഡ് റെസ്‌ക്യൂ ഓഫീസർ പി.ടി. അലക്സാണ്ടർ, ഫയർ ആൻഡ് റസ്‌ക്യൂ ഓഫീസർമാരായ പി.ജി. സജീവ്, ടി.കെ. വിവേക്, സച്ചിൻ സാജൻ, ലിബിൻ ജെയിംസ്, ഹോം ഗാർഡുമാരായ കെ.എസ്. അബ്ദുൽ നാസർ, രാജീവ് ആർ. നായർ തുടങ്ങിയവരാണ് തീയണച്ചത്.