കട്ടപ്പന: ഹൈറേഞ്ച് മോട്ടോർ തൊഴിലാളി അസോസിയേഷൻ വാർഷിക പൊതുയോഗം കട്ടപ്പനയിൽ മന്ത്രി റോഷി അഗസ്റ്റിൻ ഉദ്ഘാടനം ചെയ്തു. വെള്ളയാംകുടി കല്ലറയ്ക്കൽ ഓഡിറ്റോറിയത്തിൽ നടന്ന വാർഷിക പൊതുയോഗത്തിൽ അസോസിയേഷൻ പ്രസിഡന്റ് പി.കെ. ഗോപി അദ്ധ്യക്ഷനായി. നഗരസഭാ ചെയർപേഴ്സൺ ബീനാ ടോമി എൻഡോവ്‌മെന്റ് വിതരണം ചെയ്തു. പൊതുയോഗത്തിനു മുന്നോടിയായി അസോസിയേഷന്റെ ഓഫീസിനു മുന്നിൽ സ്വാതന്ത്ര്യ ദിനത്തിന്റെ ഭാഗമായി പതാക ഉയർത്തി. തുടർന്ന് കട്ടപ്പന ഗാന്ധി സ്‌ക്വയർ, അമർജവാൻ യുദ്ധ സ്മാരകം, എ.പി.ജെ അബ്ദുൽ കലാം സ്മാരകം എന്നിവിടങ്ങളിൽ പുഷ്പാർച്ചന നടത്തി. സമ്മേളനത്തിൽ അംഗങ്ങളുടെ മക്കളിൽ പ്ലസ്ടു പരീക്ഷകളിൽ മികച്ച വിജയം നേടിയവർക്ക് കോര കുര്യൻ ചിറക്കൽപറമ്പിൽ എൻഡോവ്‌മെന്റ് കട്ടപ്പന നഗരസഭ ചെയർപേഴ്സൺ ബീന ടോമി വിതരണം ചെയ്തു. സെക്രട്ടറി എം.കെ. ബാലചന്ദ്രൻ, ട്രഷറർ ലൂക്കാ ജോസഫ്, വൈസ് പ്രസിഡന്റ് ബിജു മാധവൻ, ജോയിന്റ് സെക്രട്ടറി മനോജ് എബ്രഹാം, വിവിധ യൂണിറ്റ് ഭാരവാഹികളായ ബേബി മാത്യു, പി.എസ്. മുഹമ്മദ്, ഷാജി പുളിക്കക്കുന്നേൽ, സജി കുന്നേൽ, ജോൺസൺ മരോട്ടിമൂട്ടിൽ എന്നിവർ സംസാരിച്ചു.