കട്ടപ്പന:ഗവ. കോളേജിൽ വിജ്ഞാന കേരളം ക്യാമ്പയിൻ നടന്നു. വിജ്ഞാന കേരളം അഡൈ്വസർ ഡോ. ടി.എം. തോമസ് ഐസക് മുഖ്യപ്രഭാഷണം നടത്തി. സംസ്ഥാനത്തെ തൊഴിൽദാതാക്കളെയും തൊഴിലന്വേഷകരെയും ഏകോപിപ്പിച്ച് പുതിയൊരു തൊഴിൽ വിപ്ലവത്തിന് തുടക്കമിടുകയാണ് 'വിജ്ഞാന കേരളം' ക്യാമ്പയിനിലൂടെ ലക്ഷ്യമിടുന്നത്. ഈ പദ്ധതിയിലൂടെ സംസ്ഥാനത്തിന്റെ സാമ്പത്തികവും സാമൂഹികവുമായ ശൃംഖലകളിൽ ഗുണകരമായ മാറ്റങ്ങൾ വരുത്തുകയാണ് സർക്കാർ ലക്ഷ്യമെന്ന് അദ്ദേഹം പറഞ്ഞു. ജില്ലാ, ബ്ലോക്ക്, നഗരസഭ തലങ്ങളിൽ ഫെസിലിറ്റേഷൻ സെന്ററുകളും ജോബ് സ്റ്റേഷനുകളും ആരംഭിക്കും. വിവിധ വകുപ്പുകളുടെ സഹകരണത്തോടെയാണ് ഈ പദ്ധതി നടപ്പാക്കുന്നത്. കോളേജ് പ്രിൻസിപ്പൽ കണ്ണൻ വി അദ്ധ്യക്ഷനായി. എം ജി സർവകലാശാല സിൻഡിക്കേറ്റ് മെമ്പർമാരായ പ്രൊഫ. ഡോ.സിനോ ജോസ്, പ്രൊഫ. ഡോ. എ.എസ്. സുമേഷ് എന്നിവർ സംസാരിച്ചു.