ഉടുമ്പന്നൂർ: ആം ആദ്മി പാർട്ടി ഉടുമ്പന്നൂർ പഞ്ചായത്ത് കൺവെൻഷൻ നടത്തി. സംസ്ഥാന പ്രസിഡന്റ് അഡ്വ. വിനോദ് മാത്യു വിൽസൺ ഉദ്ഘാടനം ചെയ്തു. പഞ്ചായത്ത് കമ്മിറ്റി പ്രസിഡന്റ് അബ്രഹാം ചാലിൽ അദ്ധ്യക്ഷത വഹിച്ച യോഗത്തിൽ സംസ്ഥാന വർക്കിംഗ് പ്രസിഡന്റ് ഡോ. സെലിൻ ഫിലിപ്പ് പാർട്ടി ഓഫീസ് ഉദ്ഘാടനം ചെയ്തു. സംസ്ഥാന ഓർഗനൈസിംഗ് സെക്രട്ടറി നവീൻ ജി. നാദാമണി മുഖ്യപ്രഭാഷണം നടത്തി. ജില്ലാ പ്രസിഡന്റ് അഡ്വ. ബേസിൽ ജോൺ സംസ്ഥാന വൈസ് പ്രസിഡന്റ് ജേക്കബ് മാത്യു, നിയോജകമണ്ഡലം പ്രസിഡന്റ് ലിസി ബാബു, സെക്രട്ടറി ഡിനു പോൾ കക്കുഴി, ബീനാ കുര്യൻ, എൻ.കെ. ഷാജഹാൻ, സച്ചിൻ ജോർജ്, സജി, റോബിൻസ് സെബാസ്റ്റ്യൻ, ജാസിൽ കെ. ഫിലിപ്പ് എന്നിവർ പ്രസംഗിച്ചു.