കട്ടപ്പന: 'രക്ഷ വേണം കർഷകന്' എന്ന മുദ്രാവാക്യവുമുയർത്തികർഷക കോൺഗ്രസ് നിയോജകമണ്ഡലം കമ്മിറ്റി കട്ടപ്പനയിൽ പ്രതിഷേധ സദസ് നടത്തി. സംസ്ഥാന ജനറൽ സെക്രട്ടറി ജോസ് മുത്തനാട്ട് ഉദ്ഘാടനം ചെയ്തു. ജനവാസ മേഖലയിൽ വന്യമൃഗങ്ങൾ ഇറങ്ങുന്നത് തടയാനും തെരുവ് നായകളെ പിടികൂടാനും നടപടി സ്വീകരിക്കണമെന്നും കർഷകർക്ക് അനുകൂലമായി വനനിയമം ദേദഗതി ചെയ്യണമെന്നും അദ്ദേഹം ആവശ്യപ്പെട്ടു. നിയോജക മണ്ഡലം പ്രസിഡന്റ് ടോമി തെങ്ങുംപള്ളി അദ്ധ്യക്ഷനായി. സംസ്ഥാന സമിതിയംഗം ജോയി ഈഴക്കുന്നേൽ, ജോയി വർഗീസ്, ജോസ് ആനക്കല്ലിൽ, സ്യൂട്ടർ ജോർജ്, ആലീസ് ജോസ്, പി എസ് മേരിദാസൻ, അബ്രഹാം കളപ്പുര, പി എസ് രാജപ്പൻ, സി എം തങ്കച്ചൻ, തോമസ് മുണ്ടൻമല, ജോബി വയലിൽ, റെജി വാലുമ്മേൽ എന്നിവർ സംസാരിച്ചു.