കട്ടപ്പന: ജില്ലാ ക്ഷീര സംഗമം ഒക്ടോബർ 3, 4 തീയതികളിൽ ഇരട്ടയാർ നാങ്കുതൊട്ടിയിൽ നടക്കും. സംഗമത്തിന് മുന്നോടിയായുള്ള സംഘാടകസമിതി രൂപീകരണ യോഗം നാങ്കുതൊട്ടി ക്ഷീര സംഘത്തിൽ നടന്നു. കട്ടപ്പന ബ്ലോക്ക് പഞ്ചായത്ത് മുൻ പ്രസിഡന്റ് ജോസുകുട്ടി കണ്ടമുണ്ടയിൽ ഉദ്ഘാടനം ചെയ്തു. സംഗമത്തിൽ സെമിനാറുകൾ, ശില്പശാലകൾ, മികച്ച ക്ഷീര കർഷകരെയും ക്ഷീരസംഘങ്ങളെയും ജീവനക്കാരെയും ആദരിക്കൽ, ഡയറി എക്സിബിഷൻ, കല കായിക മത്സരങ്ങൾ എന്നിവ നടത്തും. ഇരട്ടയാർ പഞ്ചായത്ത് പ്രസിഡന്റ് ആനന്ദ് സുനിൽകുമാർഅദ്ധ്യക്ഷനായി. ജില്ലാ ക്ഷീര വികസന വികസന ഡെപ്യൂട്ടി ഡയറക്ടർ ബെറ്റി ജോഷ്വാ പദ്ധതി വിശദീകരിച്ചു. ജോൺസൺ കെ കെ, പോൾ മാത്യു, അജേഷ് മോഹനൻ നായർ, ജോസ് തച്ചാപറമ്പിൽ, ജിഷ ഷാജി, സണ്ണി തെങ്ങുംപള്ളി, ജോസുകുട്ടി അരിപ്പറമ്പിൽ, സോണി ചെള്ളാമഠം, നാങ്കുതൊട്ടി ആപ്‌കോസ് സെക്രട്ടറി അനിൽ എന്നിവർ സംസാരിച്ചു. ജില്ലയിലെ വിവിധ ഭാഗങ്ങളിൽ നിന്നുമുള്ള ക്ഷീരസംഘ പ്രസിഡന്റുമാർ, സെക്രട്ടറിമാർ, മറ്റു ക്ഷീരവികസന വകുപ്പ് ഉദ്യോഗസ്ഥർ എന്നിവർ പങ്കെടുത്തു.