ഇടുക്കി: ജില്ലയിൽ റവന്യൂ വകുപ്പുമായി ബന്ധപ്പെട്ട വിവിധ വിഷയങ്ങൾ ചർച്ച ചെയ്യുന്ന റവന്യൂ അസംബ്ലി ഇന്ന് ഉച്ചയ്ക്ക് 2 ന് തിരുവനന്തപുരം ഐ.എൽ.ഡി.എമ്മിൽ വകുപ്പ് മന്ത്രി കെ. രാജന്റെ അദ്ധ്യക്ഷതയിൽ നടക്കും. പട്ടയ വിതരണവുമായി ബന്ധപ്പെട്ട പുരോഗതി, പട്ടയ അസംബ്ലി, സ്മാർട്ട് വില്ലേജ് ഓഫീസുകൾ, റവന്യൂ ജില്ലാ ഡാഷ് ബോർഡ്, ഡിജിറ്റൽ റീ സർവെ, വില്ലേജ് ജനകീയ സമിതി, നാഷണൽ ഗ്രീൻ ട്രൈബ്യൂണ ലുമായി ബന്ധപ്പെട്ട വിഷയങ്ങൾ, ജില്ലയിലെ മറ്റ് പ്രധാന റവന്യൂ വിഷയങ്ങൾ തുടങ്ങിയവ ചർച്ച ചെയ്യും. റവന്യൂ വകുപ്പ് പ്രിൻസിപ്പൽ സെക്രട്ടറിയുടെ സാന്നിദ്ധ്യത്തിൽ നടക്കുന്ന റവന്യു അസംബ്ലിയിൽ ജില്ലയിൽ നിന്നുള്ള ജനപ്രതിനിധികളും ഉദ്യോഗസ്ഥരും പങ്കെടുക്കും. ജില്ലാ കളക്ടർ ഡോ. ദിനേശൻ ചെറുവാട്ട്, അഡീഷണൽ ജില്ലാ മജിസ്‌ട്രേറ്റ് ഷൈജു പി. ജേക്കബ്, സബ് കളക്ടർമാർ, ഡെപ്യൂട്ടി കളക്ടർമാർ തുടങ്ങിയവരും പങ്കെടുക്കും.