ഇടുക്കി : ജില്ലയിലെ അംഗീകൃത മത്സ്യത്തൊഴിലാളികളിൽ നിന്നും ഭവന പുനരുദ്ധാരണ പദ്ധതിയുടെ ഭാഗമായി അറ്റകുറ്റപണികൾ നടത്തിയാൽ വാസയോഗ്യമാക്കാൻ കഴിയുന്ന ഭവനങ്ങളുടെ ഉടമകളിൽ നിന്നും അപേക്ഷ ക്ഷണിച്ചു. അപേക്ഷകർ മത്സ്യത്തൊഴിലാളി ക്ഷേമനിധി ബോർഡിൽ രജിസ്റ്റർ ചെയ്ത സജീവ മത്സ്യത്തൊഴിലാളികൾ ആയിരിക്കണം. ഭവനങ്ങൾക്ക് 8 വർഷത്തിലധികം കാലപ്പഴക്കം ഉണ്ടായിരിക്കണം. കൂടുതൽ വിവരങ്ങൾക്കും അപേക്ഷ ഫോമുകൾക്കും അസിസ്റ്റന്റ് ഡയറക്ടറുടെ കാര്യാലയം (04862 233226), മത്സ്യഭവൻ ഇടുക്കി (04862 233226),മത്സ്യഭവൻ നെടുങ്കണ്ടം (04868 234505) എന്നീ ഓഫീസുകളുമായി ബന്ധപ്പെടണം. അപേക്ഷകൾ ലഭിക്കേണ്ട അവസാന തീയതി: ആഗസ്റ്റ് 30.