രാജാക്കാട് :പഴയവിടുതി സെന്റ് മേരീസ് സുനോറോ യാക്കോബായ സുറിയാനി പള്ളിയിൽ എട്ടുനോമ്പ് പെരുനാളും പരിശുദ്ധ സുവിശേഷ മഹായോഗവും സെപ്തംബർ 1 മുതൽ 8 വരെ നടക്കുമെന്ന് ഭാരവാഹികൾ അറിയിച്ചു. ഡോ.ഏലിയാസ് മോർ അത്താനാസിയോസ് മെത്രാപ്പൊലീത്ത, ബെന്യാമിൻ റമ്പാച്ചൻ, ഫാ.എൽദോസ് മേനോത്തുമാലിൽ എന്നിവർ തിരുക്കർമ്മങ്ങൾക്ക് നേതൃത്വം നൽകും.
പെരുനാളിന് തുടക്കം കുറിച്ച് 31ന് 10.45 ന് കൊടിയേറ്റും സെപ്തംബർ ഒന്ന് മുതൽ ഏഴ് വരെ പ്രഭാത പ്രാർത്ഥന, വിശുദ്ധ മൂന്നിൻമേൽ കുർബ്ബാന, പ്രസംഗം,പ്രദക്ഷിണം,നേർച്ച കഞ്ഞി വിതരണം,സന്ധ്യാ പ്രാർത്ഥന,പ്രസംഗം, ആശീർവാദം, അത്താഴ വിരുന്ന് എന്നിവ നടക്കും. ഏഴിന് വൈകിട്ട് 6 ന് സന്ധ്യാ പ്രാർത്ഥന,ഡോ.ഏലിയാസ് മോർ അത്താനാസിയോസ് മെത്രാപ്പൊലീത്തയുടെ പ്രസംഗം.എട്ടിന് രാവിലെ8.30 ന് വിശുദ്ധ അഞ്ചിന്മേൽ കുർബ്ബാന ഡോ.ഏലിയാസ് മോർ അത്തനാസിയോസ് മെത്രാപ്പൊലീത്ത,ഫാ.ബാബു ചാത്തനാട്ട്,ഫാ. എൽദോമോൻ നടപ്പേൽ,ഫാ. സാജൻ കൊട്ടാരത്തിൽ,ഫാ. എബിൻ കാരിയേലിൽ എന്നിവരുടെ കാർമ്മികത്വത്തിൽ നടക്കും11.45 ന് പ്രദക്ഷിണം പഴയവിടുതി കുരിശിങ്കലേക്ക്,12.15 ന് ആശീർവാദം,12.30 ന് ലേലം, 12.45 ന് നേർച്ചസദ്യഎന്നിവയാണ് പരിപാടികൾ എന്ന് വികാരി ഫാ. എൽദോസ് മേനോത്തുമാലിൽ, ട്രസ്റ്റി പ്രിൻസ് കന്യാക്കുഴിയിൽ, സെക്രട്ടറി എൽദോസ് കാരിയേലിൽ, കമ്മിറ്റിയംഗങ്ങളായ ജോഷി കന്യാക്കുഴി, പൗലോസ് കുന്നത്ത്, മത്തായി കന്യാക്കുഴിയിൽ, ടോബി പാറേക്കാട്ടിൽ, ബിനോയി പള്ളിപ്പാട്ടുതോട്ടത്തിൽ എന്നിവർ പറ‌‌‌ഞ്ഞു.