കട്ടപ്പന: സംഗീത നാടക അക്കാദമി ഇടുക്കി കേന്ദ്ര കലാസമിതിയുടെ നേതൃത്വത്തിൽ റോട്ടറി ക്ലബ് ഓഫ് അപ്ടൗണിന്റെയും വിവിധ കലാസാംസ്‌കാരിക സംഘടനകളുടെയും സഹകരണത്തോടെ സംഗീതോത്സവം ഇന്ന് കട്ടപ്പന മിനി സ്റ്റേഡിയത്തിൽ നടക്കും. സംഗീതോത്സവത്തിന് മുന്നോടിയായി ഉച്ചകഴിഞ്ഞ് രണ്ട് മുതൽ ഓണപ്പാട്ട് മത്സരവും മാവേലി മത്സരവും നടക്കും. തുടർന്ന് തബല ജുഗൽബന്തി അരങ്ങേറും. വൈകിട്ട് 4ന് നടക്കുന്ന സാംസ്‌കാരിക സമ്മേളനം മന്ത്രി റോഷി അഗസ്റ്റിൻ ഉദ്ഘാടനം ചെയ്യും.കേന്ദ്ര കലാസമിതി ജില്ലാ പ്രസിഡന്റ് കാഞ്ചിയാർ രാജൻ അദ്ധ്യക്ഷത വഹിക്കും.സംഗീത നാടക അക്കാദമി അംഗം ആനയടി പ്രസാദ് മുഖ്യപ്രഭാഷണം നടത്തും. സംഗീതം, അനുഭവം ആവിഷ്‌കാരം എന്ന വിഷയത്തിൽ കലാശ്രീ കോട്ടയം വീരമണി പ്രഭാഷണം നടത്തും.നഗരസഭ ചെയർപേഴ്സൺ ബീന ടോമി സമ്മാനദാനം നിർവഹിക്കും.കേരള സാഹിത്യ അക്കാദമി അംഗം മോബിൻ മോഹൻ,നോവലിസ്റ്റ് പുഷ്പമ,കേന്ദ്ര കലാസമിതി സെക്രട്ടറി എസ്.സൂര്യലാൽ,സംഘാടകസമിതി രക്ഷാധികാരി സിജു ചക്കുംമൂട്ടിൽ തുടങ്ങിയവർ സംസാരിക്കും. ചടങ്ങിൽ ആനയടി പ്രസാദിന്റെ ഓണനിലാവ്,രാജേഷ് വരകുമലയുടെ ഓണപ്പൂവ് എന്നീ മ്യൂസിക്കൽ ആൽബങ്ങളുടെ പ്രകാശനവും നടക്കും. വൈകിട്ട് 6ന് പ്രശസ്ത സംഗീതജ്ഞൻ ഹരികൃഷ്ണൻ മൂഴിക്കുളവും സംഘവും അവതരിപ്പിക്കുന്ന സംഗീത കച്ചേരിയും മ്യൂസിക് ക്ലബ്ബ് അവതരിപ്പിക്കുന്ന ഗാനമേളയും അരങ്ങേറുമെന്നും
കേന്ദ്ര കലാസമിതി പ്രസിഡന്റ് കാഞ്ചിയാർ രാജൻ, സെക്രട്ടറി എസ്.സൂര്യലാൽ, മർച്ചന്റ്സ് യൂത്ത് വിങ് സംസ്ഥാന വൈസ് പ്രസിഡന്റ് സിജോമോൻ ജോസ്, നഗരസഭ കൗൺസിലർ പ്രശാന്ത് രാജു, റോട്ടറി ക്ലബ് ഓഫ് കട്ടപ്പന അപ്ടൗൺ പ്രസിഡന്റ് പ്രദീപ് എസ്.മണി,
ഫ്രണ്ട്സ് ഓഫ് കട്ടപ്പന പ്രസിഡന്റ് സിജോ എവറസ്റ്റ്, ചിരി ക്ലബ് ജനറൽ സെക്രട്ടറി അശോക് ഇലവന്തിക്കൽ,കല സെക്രട്ടറി വിപിൻ വിജയൻ, സി.സി ജോമോൻ,ബിജോയി സ്വരലയ,കലാമണ്ഡലം ഹരിത, എം.ആർ രാഗസുധ എന്നിവർ പറഞ്ഞു.