ക​ണ്ണൂ​ർ: നഗരത്തിലെ തു​ളി​ച്ചേ​രി തോ​ട്ടി​ലേ​ക്ക് ശുചിമുറി മാ​ലി​ന്യം ഒ​ഴു​ക്കി​യ​തി​നെ തു​ട​ർ​ന്ന് തോ​ട്ടി​ലെ മീ​നു​ക​ൾ ച​ത്തു പൊങ്ങി. ദു​ർ​ഗ​ന്ധം കാ​ര​ണം പ്ര​ദേ​ശ​വാ​സി​ക​ൾ ക​ടു​ത്ത ദു​രി​ത​ത്തി​ലാ​യ​തി​നൊ​പ്പം കി​ണ​റു​ക​ൾ മ​ലി​ന​പ്പെ​ടു​മോ എ​ന്ന ആ​ശ​ങ്ക​യും ഉ​യ​ർ​ന്നു. ദുർഗന്ധത്തെ തുടർന്ന് പരിസരവാസികൾ പരിശോധിച്ചപ്പോഴാണ് തോട്ടിൽ മീനുകൾ ചത്ത നിലയിലും ശുചിമുറി മാലിന്യം ഒഴുക്കിയതും ശ്രദ്ധയിൽപെട്ടത്. ക​ഴി​ഞ്ഞ വ​ർ​ഷ​വും സ​മാ​ന​മാ​യ അനുഭ​വം ഉ​ണ്ടാ​യി​രു​ന്നു. ക​ക്കാ​ട് റോ​ഡി​നോ​ട് ചേ​ർ​ന്നു​ള്ള ചേനോ​ളി ലൈ​നി​ൽ നി​ന്നും ആ​രം​ഭി​ക്കു​ന്ന അഴുക്കുചാലുകൾ വ​ന്നു ചേ​രു​ന്ന തോ​ട്ടി​ലാ​ണ് ക​ക്കൂ​സ് മാ​ലി​ന്യം ഒ​ഴു​ക്കി വി​ട്ട​ത്.

ഫ്ലാ​റ്റു​ക​ളി​ൽ നി​ന്നോ ആ​ശു​പ​ത്രി​ക​ളി​ൽ നി​ന്നോ ഉ​ള്ള മാ​ലി​ന്യം രാ​ത്രി ഓവുചാലി​ലേ​ക്ക് ഒ​ഴു​ക്കി വി​ട്ട​താ​യി​രി​ക്കു​മെ​ന്ന് പ്ര​ദേ​ശ​വാ​സി​ക​ൾ ആ​രോ​പി​ച്ചു. ക​ഴി​ഞ്ഞ വ​ർ​ഷം യൂ​ണി​റ്റി റ​സി​ഡ​ന്റ്​സ് അ​സോ​സി​യേ​ഷ​ൻ, ക​ക്കാ​ട് റ​സി​ഡന്റ്സ് അ​സോ​സി​യേ​ഷ​ൻ ഭാ​ര​വാ​ഹി​ക​ൾ കോ​ർ​പ്പ​റേ​ഷ​നെ സ​മീ​പി​ച്ചി​രു​ന്നെ​ങ്കി​ലും നി​സാ​ര​വ​ത്ക​രി​ക്കു​ക​യാ​യി​രു​ന്നു​വെ​ന്നും ആ​രോ​പ​ണ​മു​ണ്ട്.

തോ​ട്ടി​ൽ മാ​ലി​ന്യം ഒ​ഴു​ക്കി​യ വി​വ​ര​മ​റി​ഞ്ഞ് കെ.​വി.സു​മേ​ഷ് എം.​എ​ൽ.​എ, വാ​ർ​ഡ് കൗ​ൺ​സി​ല​ർ സു​നി​ഷ, ഹെ​ൽ​ത്ത് ഇ​ൻ​സ്പെക്ടർ കെ.​വി. സ​ജി​ല എ​ന്നി​വ​ർ സ്ഥ​ലം സ​ന്ദ​ർ​ശി​ച്ചു.

മനുഷ്യാവകാശ കമ്മിഷൻ

ഉത്തരവ് കാറ്റിൽപ്പറത്തി

ക​ഴി​ഞ്ഞ വ​ർ​ഷം തോ​ട്ടി​ൽ ശുചിമുറി മാ​ലി​ന്യം ഒ​ഴു​ക്കി വി​ട്ട​തി​നെ തു​ട​ർ​ന്ന് പ്ര​ദേ​ശ​ത്തെ കി​ണ​റു​ക​ളും മ​ലി​ന​മാ​യി​രു​ന്നു. റ​സി​ഡ​ന്റ്​സ് അ​സോ​സി​യേ​ഷ​ൻ മ​നു​ഷ്യാ​വ​കാ​ശ ക​മ്മിഷ​നി​ൽ പ​രാ​തി ന​ൽ​കി​യ​തി​നെ തു​ട​ർ​ന്ന് ഓ​ട​ക​ളി​ലൂ​ടെ സ്ഥാ​പ​ന​ങ്ങ​ളി​ൽ നി​ന്നും ഫ്ലാ​റ്റു​ക​ളി​ൽ നി​ന്നും മാ​ലി​ന്യം ഒ​ഴു​ക്കു​ന്ന​ത് ത​ട​യാ​ൻ കോ​ർ​പ​റേ​ഷ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന് ഉ​ത്ത​ര​വി​ട്ടി​രു​ന്നു. എ​ന്നാ​ൽ ഇ​ക്കാ​ര്യ​ത്തി​ൽ ന​ട​പ​ടി ഉ​ണ്ടാ​കു​ന്നി​ല്ലെ​ന്നാ​ണ് ആ​ക്ഷേ​പം.