പയ്യന്നൂർ : സഹകാരിയും സി.പി.എം. നേതാവുമായ രാമന്തളി കുന്നരുവിലെ പി.വി.കരുണാകരൻ (86) നിര്യാതനായി.
കുന്നരു സർവ്വീസ് സഹകരണ ബേങ്കിന്റെ പൂർവ രൂപമായ കുന്നരീയം ഐക്യനാണയ സംഘത്തിന്റെ വളർച്ചയ്ക്ക് നേതൃത്വം നല്കി. ബാങ്കിന്റെ സ്ഥാപക സെക്രട്ടറി എന്ന നിലയിൽ ദീർഘകാലം പ്രവർത്തിച്ചു. രാമന്തളി ഗ്രാമപഞ്ചായത്ത് ഭരണസമിതിയംഗം, പയ്യന്നൂർ സഹകരണ ആശുപത്രി സ്ഥാപക ഭരണസമിതിയംഗം, കാർഷിക വികസന ബാങ്ക് ഡയറക്ടർ , സി.പി.എം കുന്നരു ലോക്കൽ സെക്രട്ടറി, കേരള സഹകരണ സർവ്വീസ് പെൻഷനേഴ്സ് അസോസിയേഷൻ
സംസ്ഥാന സെക്രട്ടറി, കർഷകസംഘം കുന്നരു വില്ലേജ് സെക്രട്ടറി, ബ്ലോക്ക് കമ്മിറ്റിയംഗം എന്നീ നിലകളിൽ പ്രവർത്തിച്ചു.
കുന്നരു ഡവലപ്‌മെന്റ് കമ്മിറ്റി,എടുത്തുരുത്തി ബണ്ട് കമ്മിറ്റി,ടാഗോർ സ്മാരക വായനശാല , ഫ്രൻസ് യൂനിയൻ ക്ലബ്ബ് എന്നിവ സംഘടിപ്പിക്കുന്നതിൽ മുഖ്യ പങ്ക് വഹിച്ചിട്ടുണ്ട്.ടാഗോർ സ്മാരക വായനശാലയിൽ പൊതു ദർശനത്തിന് വെച്ച ഭൗതിക ശരീരത്തിൽ നേതാക്കളടക്കം നിരവധി പേർ അന്ത്യാജ്ഞലി അർപ്പിച്ചു. കുന്നരു പൊതു ശ്മശാനത്തിൽ സംസ്‌കരിച്ചു.
ഭാര്യ : പരേതയായ പുഷ്പവല്ലി.മക്കൾ: ഷീബ, ഷൈബ (കുന്നരു ബാങ്ക്), ഷാബി .മരുമക്കൾ : ഇ.വി.രാജൻ (വെങ്ങര), പി.വി.മുരളി(കണ്ണോം) , എം .ചന്ദ്രശേഖരൻ (സൂപ്രണ്ട്, പയ്യന്നൂർ നഗരസഭ).സഹോദരങ്ങൾ : പരേതരായ
കല്യാണി, ജാനകി.