കുന്ദമംഗലം: കുന്ദമംഗലം ഗ്രാമപഞ്ചായത്തിൽ എം.ജി.എൻ.ആർ.ഇ.ജി.എസ്, ഐ.സി.ഡി.എസ്,ഹരിത കർമ്മസേന, കുടുംബശ്രീ എന്നിവയുടെ നവീകരിച്ച ഓഫിസുകൾ അഡ്വ. പി.ടി.എ റഹീം എം.എൽ.എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് ലിജി പുൽക്കുന്നു‍മ്മൽ അദ്ധ്യക്ഷത വഹിച്ചു. വൈസ് പ്രസിഡന്റ് വി. അനിൽ കുമാർ, സെക്രട്ടറി ഇന്ദു, ജില്ലാ പഞ്ചായത്തംഗം എം. ധനീഷ് ലാൽ, യു.സി പ്രീതി, ശബ്ന റഷീദ്, പി. ശിവദാസൻ നായർ, ടി.പി മാധവൻ, ബാബു നെല്ലൂളി, പി കൗലത്ത്, നജീബ് പാലക്കൽ, പി. പ്രസന്ന, റൂബി നസീർ, ഡാനിഷ്, നിഷ ,സുലൈഖ, സുമ, എം.കെ മോഹൻദാസ്, ജനാർദ്ദനൻ കളരിക്കണ്ടി, സി.വി സംജിത്ത്, എം ബാബുമോൻ, സുധീർ കുന്ദമംഗലം, എൻ കേളൻ എന്നിവർ പ്രസംഗിച്ചു.