വൈക്കം: തൊഴിലുറപ്പ് പദ്ധതിയിൽ പുതുതായി ഏർപ്പെടുത്തിയ നിയന്ത്രണങ്ങൾ മൂലം തൊഴിലുറപ്പ് തൊഴിലാളികൾക്ക് തൊഴിൽ നഷ്ട്ടപ്പെട്ട സാഹചര്യത്തിൽ സമരപരിപാടികൾ സംഘടിപ്പിക്കാൻ മഹാത്മഗാന്ധി തൊഴിലുറപ്പ് തൊഴിലാളി കോൺഗ്രസ് ഐ.എൻ.ടി.യു.സി വൈക്കം ബ്ലോക്ക് കമ്മ​റ്റി യോഗം തീരുമാനിച്ചു.
തൊഴിലുറപ്പ് തൊഴിലാളി കോൺഗ്രസ് ബ്ലോക്ക് പ്രസിഡന്റ് യു.ബേബി അദ്ധ്യക്ഷത വഹിച്ചു. ഐ.എൻ.ടി.യു.സി സംസ്ഥാന സെക്രട്ടറി പി.വി.പ്രസാദ് യോഗം ഉദ്ഘാടനം ചെയ്തു. മുൻ ബ്ലോക്ക് കോൺഗ്രസ് പ്രസിഡന്റ് അക്കരപ്പാടം ശശി, മുനിസിപ്പൽ ചെയർ പേഴ്സൺ പ്രീത രാജേഷ്, ഐ.എൻ.ടി.യു.സി ബ്ലോക്ക് പ്രസിഡന്റ് അഡ്വ. പി.വി.സുരേന്ദ്രൻ, പി.വി.വിവേക്, കെ.സുരേഷ് കുമാർ, ഐ എൻ ടി യു സി ജില്ലാ സെക്രട്ടറിമാരായ കെ.വി. ചിത്രാംഗദൻ, ജോർജ്ജ് വർഗീസ്, മഹിള കോൺഗ്രസ് ബ്ലോക്ക് പ്രസിഡന്റ് ഷീജ ഹരിദാസ്, കെ.എൻ ദേവരാജൻ, ഔസേഫ് വർഗീസ്, കുര്യാക്കോസ് തോട്ടത്തിൽ, അജയകുമാർ, സി.ജി ബിനു, രാജലക്ഷ്മി വേണുഗോപാൽ എന്നിവർ പ്രസംഗിച്ചു.