കോട്ടയം: ദർശന സാംസ്‌കാരിക കേന്ദ്രവും ന്യൂഡൽഹി ചിൽഡ്രൻസ് ബുക്ക് ട്രസ്റ്റും സംയുക്തമായി സംഘടിപ്പിക്കുന്ന അഖില കേരള ശങ്കേഴ്സ് ചിത്രരചന / കാർട്ടൂൺ മത്സരങ്ങൾ 9ന് രാവിലെ 10ന് മന്ത്രി വി.എൻ വാസവൻ ഉദ്ഘാടനം ചെയ്യും.

ഏഴു വിഭാഗങ്ങളിലാണ് മത്സരം.. മുതിർന്നവർക്കായുള്ള കാരിക്കേച്ചർ മത്സരത്തിന് പ്രായപരിധിയില്ല.

എല്ലാ വിഭാഗങ്ങളിലും ഒന്നാം സ്ഥാനം ലഭിക്കുന്നവർക്ക് ന്യൂഡൽഹി ബുക്ക് ട്രസ്റ്റ് വക വെള്ളി മെഡലുകളും , ക്യാഷ് അവാർഡുകളും ലഭിക്കും. കൂടാതെ മികച്ച പെയിന്റിങ്ങിനും കാർട്ടൂണിനും 'ശങ്കർസ് അവാർഡും ' ( വെള്ളി മെഡൽ) ദർശന സാംസ്‌കാരിക കേന്ദ്രവും ഡിസി ബുക്ക്സും നൽകുന്ന ട്രോഫികളും ഓരോ ഗ്രൂപ്പിലും 25 പ്രോത്സാഹന സമ്മാനങ്ങളും നൽകും. മത്സരത്തിൽ പങ്കുചേരുന്ന എല്ലാ കുട്ടികൾക്കും സമ്മാനം നൽകും. കാരിക്കേച്ചർ മത്സരത്തിൽ ഏറ്റവും നല്ല സൃഷ്ടിക്ക് 1001 രൂപ ഒന്നാം സമ്മാനമായി ലഭിക്കും .മത്സരങ്ങളെക്കുറിച്ചുള്ള കൂടുതൽ വിവരങ്ങൾക്ക് ദർശന സാംസ്‌കാരിക കേന്ദ്രവുമായി ബന്ധപ്പെടുക. ഫോൺ : 9447008255, 9188520400.