ചങ്ങനാശേരി: ഹിരോഷിമദിനത്തിന്റെ 80ാം വാർഷികാഘോഷത്തിന്റെ ഭാഗമായി പായിപ്പാട് ബി.എഡ് കോളേജിൽ ഐ.ക്യു.സി.ഇയുടെയും എൻ.എസ്.എസ് യൂണിറ്റിന്റെയും സംയുക്താഭിമുഖ്യത്തിൽ സമാധാന സന്ദേശ സദസും റാലിയും സംഘടിപ്പിച്ചു. കോളേജിൽ നിന്നും പായിപ്പാട് ജംഗ്ഷനിലേക്ക് റാലി നടത്തി. റാലി പഞ്ചായത്ത് അംഗം ആനി രാജു ഫ്‌ലാഗ്ഓഫ് ചെയ്തു. പായിപ്പാട് കോളേജ് പ്രിൻസിപ്പാൾ ഡോ.രാജീവ് പുലിയൂർ അദ്ധ്യക്ഷത വഹിച്ചു. എൻ.എസ്.എസ് പ്രോഗ്രാം ഓഫീസർ ഗീത നാരായണൻ, വിദ്യാർത്ഥി പ്രതിനിധികളായ അതുല്യ, ശ്രീലക്ഷ്മി എന്നിവർ സംസാരിച്ചു. വിദ്യാർത്ഥികളുടെ നൃത്താവിഷ്‌കാരവും തെരുവുനാടകവും അരങ്ങേറി.