വൈക്കം: വി ഫോർ യു ചാരിറ്റബിൾ സൊസൈറ്റിയുടെ വാർഷിക പൊതുയോഗവും വിവിധക്ഷേമ പദ്ധതികളുടെ സഹായ വിതരണവും നടത്തി. നഗരസഭ സ്റ്റാൻഡിംഗ് കമ്മിറ്റി ചെയർമാൻ എസ്. ഹരിദാസൻ നായർ ഉദ്ഘാടനം ചെയ്തു. പ്രസിഡന്റ് രാജീവ് സി.നായർ അദ്ധ്യക്ഷത വഹിച്ചു. രക്ഷാധികാരി രാജൻ അക്കരപ്പാടം, മുൻ നഗരസഭാദ്ധ്യക്ഷ രേണുക രതീഷ്, കൗൺസിലർ കവിത രാജേഷ്, ഒരുമ റസിഡന്റ്സ് അസോസിയേഷൻ മുൻ പ്രസിഡന്റ് തോമസ്, ഉണ്ണികൃഷ്ണൻ, അഭിലാഷ്, സുധീഷ് ബാബു, നൗഷാദ്, സുനിൽകുമാർ എന്നിവർ പ്രസംഗിച്ചു. ഭാരവാഹികളായി രാജീവ് സി. നായർ (പ്രസിഡന്റ്), രാജൻ അക്കരപ്പാടം (രക്ഷാധികാരി), സുനിൽകുമാർ (വൈസ് പ്രസിഡന്റ്), നൗഷാദ് (സെക്രട്ടറി) എന്നിവരെ തിരഞ്ഞെടുത്തു.