കുറവിലങ്ങാട് : ഉഴവൂർ വെളിയന്നൂർ റോഡിൽ അരീക്കര കോൺവെന്റിന് സമീപത്തെ വെള്ളക്കെട്ട് പരിഹരിക്കാൻ തയാറാക്കിയ അരീക്കര ഡ്രെയിനേജ് പ്രൊട്ടക്ഷൻ വർക്കിന് 20 ലക്ഷം രൂപ അനുവദിച്ചതായി അഡ്വ.മോൻസ് ജോസഫ് എം.എൽ.എ അറിയിച്ചു.

മെയിൻ റോഡിന് സമീപം വെള്ളക്കെട്ട് പതിവാണ്. ഇതുമൂലം സമീപസ്ഥലങ്ങളിലെ കിണറുകളിൽ ചെളിവെള്ളം നിറയുകയാണ്. ഈ സാഹചര്യത്തിലാണ് പദ്ധതി നടപ്പാക്കുന്നതെന്ന് മോൻസ് ജോസഫ് എം.എൽ.എ അറിയിച്ചു. പൊതുമരാമത്ത് വകുപ്പ് റോഡ്സ് വിഭാഗം കടുത്തുരുത്തി സബ്ഡിവിഷന്റെ മേൽനോട്ടത്തിലായിരിക്കും പദ്ധതി പൂർത്തിയാക്കുക.