കോട്ടയം: കോട്ടയത്ത് നിന്ന് ആരംഭിച്ച് കുമരകം വെച്ചൂർ വൈക്കം വഴി എറണാകുളത്തേക്ക് പുതിയ ഇടനാഴി നിർമ്മിക്കുന്നതിന് കരട് റിപ്പോർട്ട് കേന്ദ്ര ഉപരിതല ഗതാഗത വകുപ്പ് മന്ത്രി നിധിൻ ഗഡ്കരിക്ക് സമർപ്പിച്ചതായി ഫ്രാൻസിസ് ജോർജ് എം.പി അറിയിച്ചു.റിപ്പോർട്ട് പരിശോധിച്ച് വിശദമായ രൂപരേഖയും എസ്റ്റിമേറ്റും തയ്യാറാക്കാൻ കേന്ദ്ര ഉപരിതല ഗതാഗത വകുപ്പ് സെക്രട്ടറിക്ക് മന്ത്രി നിർദ്ദേശം നൽകി

കോട്ടയം മുളങ്കുഴയിൽ നിന്ന് ആരംഭിച്ച് കാഞ്ഞിരം,കുമരകം,കവണാറ്റിൻകര, കൈപ്പുഴമുട്ട്,തലയാഴം,വൈക്കം, ഉദയനാപുരം,ചെമ്പ്, പൂത്തോട്ട,നടക്കാവ്, തൃപ്പൂണിത്തുറ വഴി അങ്കമാലി കുണ്ടന്നൂർ ബൈപാസിൽ ചേരും. 60 കിലോമീറ്ററാണ് റോഡിന്റെ ദൂരം.

കോട്ടയത്ത് നിന്ന് തൃപ്പൂണിത്തുറയിൽ എത്താൻ നിലവിൽ 75 കിലോമീറ്റർ ദൂരമുണ്ട്. പുതിയ റോഡിലൂടെ ഒരു മണിക്കൂർ കൊണ്ട് എത്തിച്ചേരാം

പാടശേഖരങ്ങളിലൂടെയും അവികസിതമേഖലകളിലൂടെയും കൂടി കടന്നു പോകുന്നതിനാൽ സ്ഥലം ഏറ്റെടുക്കൽ പ്രശ്നമാകില്ല