കോട്ടയം : തദ്ദേശതിരഞ്ഞെടുപ്പ് സർക്കാരിനെതിരെയുള്ള ജനവിധിയാകുമെന്ന് കെ.പി.സി.സി പ്രസിഡന്റ് സണ്ണി ജോസഫ് എം.എൽ.എ പറഞ്ഞു. ജില്ലയിലെ കോൺഗ്രസ് മണ്ഡലം പ്രസിഡന്റുമാർ, ബ്ലോക്ക് പ്രസിഡന്റുമാർ, ഡി.സി.സി ഭാരവാഹികൾ, കെ.പി.സി.സി മെമ്പർമാർ, പോഷക സംഘടന ജില്ലാ പ്രസിഡന്റുമാർ എന്നിവരുടെ സംയുക്ത യോഗം ഉദ്ഘാടനം ചെയ്യുകയായിരുന്നു അദ്ദേഹം. യു.ഡി.എഫ് തിരഞ്ഞെടുപ്പിന് സജ്ജമാണ്. 22 ,23 , 24 തീയതികളിൽ വിപുലമായ മണ്ഡലം യോഗങ്ങളും ,25 , 26 27 തീയതികളിൽ വാർഡ് നേതൃയോഗങ്ങളും. 29 ,30 ,31 തീയതികളിൽ വാർഡ് തലത്തിൽ ഭവന സന്ദർശനവും, ഫണ്ട് ശേഖരണവും നടത്തുമെന്നും അദ്ദേഹം പറഞ്ഞു. ഡി.സി.സി പ്രസിഡന്റ് നാട്ടകം സുരേഷ് അദ്ധ്യക്ഷത വഹിച്ചു. തിരുവഞ്ചൂർ രാധാകൃഷ്ണൻ എം.എൽ.എ , കെ.സി.ജോസഫ്, കുര്യൻ ജോയ്, ജോസഫ് വാഴക്കൻ , ജോസി സെബാസ്റ്റ്യൻ, പി.എ.സലീം, ടോമി കല്ലാനി, ജോഷി ഫിലിപ്പ്, ഫിലിപ്പ് ജോസഫ്, കുഞ്ഞ് ഇല്ലംപള്ളി , റ്റി.ഡി.പ്രദീപ്കുമാർ , പി.ആർ. സോന, എ.സനീഷ് കുമാർ, മോഹൻ കെ.നായർ, റോണി കെ.ബേബി എന്നിവർ പ്രസംഗിച്ചു.