കോട്ടയം: ദളിത് ഫ്രണ്ട് (എം) സംസ്ഥാന സമ്മേളനം ഇന്നും നാളെയും കോട്ടയം സാഹിത്യ പ്രവർത്തക സഹകരണ സംഘം ഹാളിൽ നടക്കും. ഇന്ന് വൈകിട്ട് അഞ്ചിന് സംസ്ഥാന പ്രസിഡന്റ് ഉഷാലയം ശിവരാജൻ പതാക ഉയർത്തും. 24ന് ഉച്ചയ്ക്ക് രണ്ടിന് സമ്മേളനം കേരളാ കോൺഗ്രസ് (എം) ചെയർമാൻ ജോസ് കെ.മാണി എം.പി ഉദ്ഘാടനം ചെയ്യും. മന്ത്രി റോഷി അഗസ്റ്റിൻ മുഖ്യപ്രസംഗവും,വിദ്യാഭ്യാസ അവാർഡും ആദരവും നിർവഹിക്കും. പാർട്ടി വൈസ് ചെയർമാൻ തോമസ് ചാഴികാടൻ, ഗവ:ചീഫ് വിപ്പ് ഡോ.എൻ.ജയരാജ്, പാർട്ടി ഓഫീസ് ജനറൽ സെക്രട്ടറി ഡോ.സ്റ്റീഫൻ ജോർജ്, എം.എൽ.എമാരായ അഡ്വ :ജോബ് മൈക്കിൾ, അഡ്വ:സെബാസ്റ്റ്യൻ കുളത്തുങ്കൽ, അഡ്വ :പ്രമോദ് നാരായണൻ, ദളിത് ഫ്രണ്ട് (എം) സംസ്ഥാന ചുമതലക്കാരൻ ബേബി ഉഴത്തുവാൽ, ജില്ലാ പ്രസിഡന്റ് പ്രൊഫ:ലോപ്പസ് മാത്യു തുടങ്ങിയവർ സംസാരിച്ചു. പത്രസമ്മേളനത്തിൽ ദളിത് ഫ്രണ്ട് (എം)സംസ്ഥാന പ്രസിഡന്റ് ഉഷാലയം ശിവരാജൻ, സംസ്ഥാന ചാർജുകാരനും പാർട്ടി ട്രഷറർ ബേബി ഉഴുത്തുവാൽ, കേരള കോൺഗ്രസ് (എം) ഹൈപവർ കമ്മിറ്റി അംഗം വിജി എം. തോമസ്, ജനറൽ കൺവീനർ രാമചന്ദ്രൻ അള്ളുമ്പുറം, കൺവീനർ രാജു കുഴിവേലി തുടങ്ങിയവർ പങ്കെടുത്തു.