കോട്ടയം: നീണ്ടൂർ സർക്കാർ ഹോമിയോ ആശുപത്രി ആയുഷ് ഹെൽത്ത് ആൻഡ് വെൽനെസ് സെന്ററിൽ പുതിയ യോഗാ ഹാൾ ഒരുങ്ങി. ജില്ലാ പഞ്ചായത്തിന്റെ 2023-24 വാർഷിക പദ്ധതിയിൽ ഉൾപ്പെടുത്തി 25 ലക്ഷം രൂപ ചെലവഴിച്ചാണ് നിർമാണം. ഈയാഴ്ചയോടെ യോഗാഹാൾ പൊതുജനങ്ങൾക്കു തുറന്നുകൊടുക്കും. രണ്ടുവർഷം മുൻപാണ് ഇവിടെ സൗജന്യയോഗ പരിശീലനം ആരംഭിച്ചത്. നൂറ്റൻപതോളം പേർ യോഗ അഭ്യസിക്കുന്നുണ്ട്. ആശുപത്രിക്കെട്ടിടത്തിന്റെ മുകളിൽ താൽക്കാലികമായി തയാറാക്കിയ ഇടത്തായിരുന്നു പരിശീലനം. പരിശീലനത്തിന് കൂടുതൽ പേരെത്തിയതോടെ ജില്ലാ പഞ്ചായത്ത് പൊതുമരാമത്ത് സ്ഥിരം സമിതി അദ്ധ്യക്ഷ ഹൈമി ബോബി മുൻകൈ എടുത്താണ് കെട്ടിടനിർമാണത്തിന് തുക ലഭ്യമാക്കിയത്