ഏഴാച്ചേരി: കാവിൻപുറം ഉമാമഹേശ്വര ക്ഷേത്രത്തിൽ ദേവപ്രശ്ന പരിഹാരക്രിയകൾ തുടങ്ങി. തന്ത്രി പെരിയമന നാരായണൻ നമ്പൂതിരി, മേൽശാന്തി വടക്കേൽഇല്ലം നാരായണൻ നമ്പൂതിരി എന്നിവരുടെ മുഖ്യകാർമ്മികത്വത്തിലാണ് ചടങ്ങുകൾ. ഇന്ന് രാവിലെ തിലഹോമം, സുകൃതഹോമം, ദീപാന്തശുദ്ധി എന്നിവയുണ്ട്. നാളെ തിലഹോമവും 12000 സംഖ്യ മൂലമന്ത്രംകൊണ്ട് പുഷ്പാഞ്ജലിയും നടക്കും. വൈകിട്ട് ദീപാരാധനയ്ക്ക് ശേഷം സവിശേഷമായ സർപ്പബലി ആരംഭിക്കും. 31ന് തിലഹോമം ദ്വാദശപൂജ, കാൽകഴുകിഊട്ട്, സായൂജ്യ പൂജ എന്നിവയോടെ ദേവപ്രശ്ന പരിഹാര ക്രിയകൾക്ക് സമാപനമാകും.