തിരുവനന്തപുരം: ചേങ്കോട്ടുകോണം ശ്രീനാരായണ പബ്ലിക് സ്കൂളിൽ രണ്ടുദിവസം നീണ്ടുനിൽക്കുന്ന 31-ാമത് കൾച്ചറൽ ഫെസ്റ്റ് കവിയും മലയാളം മിഷൻ ഡയറക്ടറുമായ മുരുകൻ കാട്ടാക്കട ഉദ്ഘാടനം ചെയ്തു. ശ്രീനാരായണ ചാരിറ്റബിൾ ട്രസ്റ്റ് പ്രസിഡന്റ് രത്നകല രത്നാകരൻ അദ്ധ്യക്ഷനായിരുന്നു. സ്കൂൾ മാനേജർ ഡോ.എ.ജി.രാജേന്ദ്രൻ,അക്കാഡമിക് കമ്മിറ്റി കൺവീനർ ബി.ചന്ദ്രബാബു,പ്രിൻസിപ്പൽ ഡോ.അനിത ആൻഡ്രൂ,വൈസ് പ്രിൻസിപ്പൽ ദീപ്തി.ടി,പ്രോഗ്രാം കോഓർഡിനേറ്റർ അമ്പിളി.കെ.ആർ,​കൾച്ചറൽ ക്യാപ്ടൻ ആദിൽ നസീം,ദേവി ലക്ഷണ തുടങ്ങിയവർ പങ്കെടുത്തു.അക്സാ ആൻഡ്രൂവും ഭവിഷ്യയും മുരുകൻ കാട്ടാക്കടയുടെ കവിതകൾ ചൊല്ലി. അപർണ അനിൽ,അരവിന്ദ്,കാശിനാഥ്,അഭിരാം എന്നിവർ അവതാരകരായിരുന്നു. തുടർന്ന് വിവിധ വേദികളിലായി കുട്ടികളുടെ മത്സര പരിപാടികൾ നടന്നു.