ലോകേഷ് കനകരാജിന്റെ സംവിധാനത്തിൽ സൂപ്പർസ്റ്റാർ രജനികാന്തിന്റെ ഏറ്റവും പുതിയ ചിത്രം കൂലി ബോക്‌സ് ഓഫീസിൽ കുതിപ്പ് തുടരുന്നു, പുറത്തിറങ്ങി മൂന്ന് ദിവസങ്ങൾ പിന്നിടുമ്പോൾ ചിത്രം 300 കോടി കടന്നിരിക്കുന്നുവെന്നാണ് റിപ്പോർട്ട്. തമിഴിൽ ഈ വർഷം 300 കടക്കുന്ന ആദ്യചിത്രമെന്ന നേട്ടവും കൂലി സ്വന്തമാക്കിയിട്ടുണ്ട്. ആദ്യദിനം ചിത്രം ആഗോള മാർക്കറ്റിൽ നിന്ന് 151 കോടിയാണ് നേടിയത്.
സൺ പിക്‌ച്ചേഴ്സിന്റെ ബാനറിൽ കലാനിധി മാരനാണ് ചിത്രം നിർമ്മിച്ചത്. ലോകമെമ്പാടുമുള്ള കണക്ക് പരിശോധിച്ചാൽ മൂന്നാം ദിനം കഴിയുമ്പോൾ കൂലി 320 കോടിയാണ് സ്വന്തമാക്കിയത്. ഏറ്റവും വേഗത്തിൽ 300 കോടി കളക്ഷൻ നേടുന്ന ചിത്രമായി ഇത് മാറി. ലോകേഷിന്റെ തന്നെ സംവിധാനത്തിൽ വിജയ് നായകനായി എത്തിയ ലിയോയുടെ റെക്കോർഡാണ് ഇതിലൂടെ മറികടന്നത്.
ചിത്രത്തിന് സമ്മിശ്ര പ്രതികരണങ്ങളാണ് ലഭിക്കുന്നതെങ്കിലും ബോക്‌സ് ഓഫീസിൽ മിന്നുംപ്രകടനമാണ് ചിത്രം കാഴ്ചവയ്ക്കുന്നത്. ബോളിവുഡ് താരം ആമിർ ഖാൻ, തെലുങ്ക് സൂപ്പർ താരം നാഗാർജുന, കന്നട സൂപ്പർ താരം ഉപേന്ദ്ര, ശ്രുതി ഹാസൻ, പൂജ ഹെഗ്ഡെ, മലയാള താരങ്ങളായ സൗബിൻ ഷാഹിർ, റെബ മോണിക്ക ജോൺ എന്നിവരാണ് മറ്റ് പ്രധാന വേഷത്തിൽ എത്തുന്നത്.
#Coolie joins the prestigious ₹300 crore club globally in just 3 days & becomes the 10th tamil film to do so. 🔥
— Forum Reelz (@ForumReelz) August 16, 2025
₹300Cr club holders globally - kollywood#2Point0 #Vikram #Ponniyinselvan #Varisu #Ponniyinselvan2 #Jailer #Leo #GreatestOfAllTime #Amaran #Coolie * pic.twitter.com/6rXLkTGRXK