തിരുവനന്തപുരം മോഡൽ ജില്ലാ എംപ്ലോയ്‌മെന്റ് എക്സ്‌ചേഞ്ച്, എംപ്ലോയബിലിറ്റി സെന്റർ എന്നിവയുടെ ആഭിമുഖ്യത്തിൽ ഓഗസ്റ്റ് 23ന് 'നിയുക്തി 2025' മിനി തൊഴിൽ മേള സംഘടിപ്പിക്കും. നെയ്യാർ ഡാമിലെ കേരള ഇൻസ്റ്റിറ്റ്യൂട്ട് ഓഫ് കോപ്പറേറ്റീവ് മാനേജ്മന്റിൽ വച്ചാണ് തൊഴിൽ മേള നടത്തുന്നത്.

ഐ.ടി, ഓട്ടോമൊബൈൽ, മാർക്കറ്റിംഗ് തുടങ്ങിയ രംഗങ്ങളിലുള്ള 20ൽ പരം പ്രമുഖ തൊഴിൽ ദായകർ പങ്കെടുക്കും. എസ്.എസ്.എൽ.സി, പ്ലസ്ടു, ഐടിഐ, ഡിപ്ലോമ, ബിരുദം, ബിരുദാനന്തര ബിരുദം, ബി.ടെക് ട്രാവൽ ആൻഡ് ടൂറിസം തുടങ്ങിയ യോഗ്യതയുള്ളവർക്കായി 500 ൽ പരം ഒഴിവുകൾ ഉണ്ട്.

പങ്കെടുക്കാൻ ആഗ്രഹിക്കുന്ന ഉദ്യോഗാർഥികൾക്ക് അതേദിവസം സ്‌പോട്ട് രജിസ്‌ട്രേഷൻ ചെയ്ത് തൊഴിൽ മേളയിൽ പങ്കെടുക്കാവുന്നതാണ്. https://tinyurl.com/NIYUKTHI എന്ന ലിങ്ക് വഴി ഉദ്യോഗാർഥികൾക്ക് തൊഴിൽദായകരുടെയും തൊഴിലിന്റെയും സമ്പൂർണവിവരം ലഭ്യമാകും. കൂടുതൽ വിവരങ്ങൾക്ക് : 8921916220, 04712992609