കാളികാവ് : മലവെള്ളപ്പാച്ചിലിൽ കൃഷിഭൂമിയുടെ സുരക്ഷാഭിത്തിയും കൃഷിഭൂമിയും നശിച്ചു. അടക്കാക്കുണ്ട് വാടയിൽ സക്കീറിന്റെ കൃഷി ഭൂമിയാണ് നശിച്ചത്. ചൊവ്വാഴ്ചയുണ്ടായ ശക്തമായ മഴയിൽ അടക്കാക്കുണ്ട് ചേരുകുളമ്പിലാണ് നാശമുണ്ടായത്.മലവെള്ളപ്പാച്ചിലിൽ സുരക്ഷാ ഭിത്തി തകർന്ന ഭാഗത്ത് പുഴതിരിഞ്ഞൊഴുകിയാണ് കൃഷി നശിച്ചത്.
വാഴ,​കവുങ്ങ്,​തെങ്ങ് തുട ങ്ങിയ കൃഷികളാണ് നശിച്ചത്.കഴിഞ്ഞ വർഷം നിർമ്മിച്ച സുരക്ഷാഭിത്തിയാണ് തകർന്നത്.പുഴയോട് ചേർന്നുണ്ടായിരുന്ന നടവഴിയും ഒലിച്ചു പോയി. ഇതോടെ വിദ്യാർത്ഥികളും നാട്ടുകാരും പ്രയാസത്തിലായി.കൃഷി നശിച്ച സ്ഥലം കാളികാവ് കൃഷിഓഫീസറും സംഘവും സന്ദർശിച്ചു.