കോങ്ങാട്: സ്വകാര്യ ബസിൽ യാത്രക്കാരിക്ക് മുന്നിൽ നഗ്നത പ്രദർശനം നടത്തിയ മധ്യ വയസ്‌ക്കൻ അറസ്റ്റിൽ. കടമ്പഴിപ്പുറം സ്വദേശി സഹീറിനെ(51) ആണ് കോങ്ങാട് പൊലീസ് അറസ്റ്റ് ചെയ്തത്. കാഞ്ഞിരപ്പുഴ ഭാഗത്തു നിന്ന് പാലക്കാട് ഭാഗത്തേക്ക് വരികയായിരുന്ന സ്വകാര്യ ബസിൽ മൂണ്ടൂരിലേക്ക് യാത്ര ചെയ്യുകയായിരുന്ന യുവതിക്കാണ് ദുരനുഭവം നേരിടേണ്ടി വന്നത്. മുണ്ടൂർ പത്താം മൈൽ സമീപത്ത് വെച്ച് പ്രതിയെ കോങ്ങാട് പൊലീസ് കസ്റ്റഡിയിലെടുക്കുകയായിരുന്നു. ബസ് വേലിക്കാട് പിന്നിട്ടപ്പോൾ യുവതിക്ക് പുറകിൽ നിന്നിരുന്ന സഹിർ ലൈംഗിക വൈകൃതം നിറഞ്ഞ പെരുമാറ്റം കാണിച്ചതായാണ് പരാതി. ബസിൽ ധാരാളം യാത്രക്കാർ ഉള്ള സമയത്താണ് സംഭവം. യുവതി സമയോചിതമായി ഇടപെടുകയും ഉടൻ തന്നെ പൊലീസ് എമർജൻസി നമ്പറായ 112 ലേക്ക് വിളിക്കുകയും, ഒപ്പം ഉണ്ടായിരുന്ന വിദ്യാർത്ഥികളോട് പറയുകയുമായിരുന്നു. 2012 ൽ മറ്റൊരു യുവതിയുടെ പരാതിയിൽ പാലക്കാട് നോർത്ത് പൊലീസ് സ്റ്റേഷനിൽ പ്രതിക്കെതിരെ കേസ് നിലവിലുണ്ട്. കോങ്ങാട് പൊലീസ് അറസ്റ്റ് ചെയ്ത സഹീറിനെ കോടതിയിൽ ഹാജരാക്കി 14 ദിവസത്തേക്ക് റിമാൻഡ് ചെയ്തു.