ആറന്മുള: മന്ത്രി വീണാ ജോർജിന്റെ ആസ്തി വികസന ഫണ്ട് ഉപയോഗപ്പെടുത്തി നിയോജക മണ്ഡലത്തിലെ നാല് പഞ്ചായത്തുകളിലെ പൊതുസ്ഥലങ്ങളിൽ 20 ഹൈമാസ്റ്റ് വിളക്കുകൾ സ്ഥാപിക്കുന്നതിലേക്ക് 99 ലക്ഷം രൂപയുടെ പദ്ധതി നടപ്പാക്കും. പദ്ധതിയുടെ ഭാഗമായി മല്ലപ്പുഴശേരി,​ കോഴഞ്ചേരി, ഓമല്ലൂർ, നാരങ്ങാനം പഞ്ചായത്ത് പരിധികളിൽ ഓരോ വാർഡുകളിലായി 10 മീറ്റർ ഉയരമുള്ള ഹൈമാസ്റ്റ് ലൈറ്റുകൾ സ്ഥാപിക്കും .സർക്കാർ ജെ.ഇ.എം പോർട്ടൽ മുഖാന്തരമായ ഈ -ടെൻഡർ പ്രക്രിയകളിൽ നിർവഹണ ഏജൻസിയായി സ്റ്റീൽ ഇൻഡസ്ട്രീസ് ലിമിറ്റഡ് പ്രവർത്തിക്കും. തദ്ദേശ വകുപ്പ് എക്സിക്യൂട്ടീവ് എൻജിനീയറെ നിർവഹണ ഉദ്യോഗസ്ഥനായും നിയമിച്ചു. ഇന്ത്യയിലെ മികച്ച ബ്രാൻഡുകളുടെ ഹൈമാസ്റ്റ് ലൈറ്റുകളാണ് പദ്ധതിയിൽ ഉൾപ്പെടുത്തിയിട്ടുള്ളത്. വാണിജ്യ കേന്ദ്രങ്ങൾ, വായനശാല, സ്കൂൾ പരിസരങ്ങൾ , പ്രമുഖ ജംഗ്ഷനുകൾ തുടങ്ങിയ ഇടങ്ങളിൽ പൊതുജനങ്ങൾക്ക് സുരക്ഷ ഒരുക്കുക എന്നതാണ് ഈ പദ്ധതിയുടെ ലക്ഷ്യം. മല്ലപ്പുഴശേരി പഞ്ചായത്ത്: 6-ാം വാർഡ് - കാരംവേലി, 6-ാം വാർഡ് - തുണ്ടഴം, 5-ാം വാർഡ് - കർത്തവ്യം, 8-ാം വാർഡ് - പുന്നയ്ക്കാട്, 10-ാം വാർഡ് - കുഴിക്കാല, 8-ാം വാർഡ് - ചക്കിട്ടമുക്ക്, 12-ാം വാർഡ് - കാഞ്ഞിരംവേലി, കോഴഞ്ചേരി പഞ്ചായത്ത്: 11-ാം വാർഡ് - വഞ്ചിത്ര (തോട്ടത്തിൽ പുനൂർപടി), 11-ാം വാർഡ് - ടി.ബി ജംഗ്ഷൻ, 2-ാം വാർഡ് - മേലുകര ജംഗ്ഷൻ, 6-ാം വാർഡ് - കുരങ്ങുമല, 8-ാം വാർഡ് - ചേക്കുളം വായനശാല, 5, 6-ാം വാർഡ് പാലക്കത്തറ ജംഗ്ഷൻ, 5-ാം വാർഡ് - കൊല്ലിരേത്ത് അമ്പലം 1-ാം വാർഡ് - കീഴുകര, ഷാലേം ചാപ്പൽ. ഓമല്ലൂർ പഞ്ചായത്ത് : വാർഡ് 9 വാഴമുട്ടം യു.പി സ്‌കൂൾ ജംഗ്‌ഷൻ, വാർഡ് 11 കുരിശുമൂട് ജംഗ്ഷൻ, വാർഡ് 11 അമ്പലം ജംഗ്ഷൻ നാരങ്ങാനം പഞ്ചായത്ത്: വാർഡ് 14 തെക്കേ ഭാഗം, മഹാണില എസ്.റ്റി. കോളനി തുടങ്ങിയ സ്ഥലങ്ങളിലാണ് ഹൈമാസ്റ്റ് ലൈറ്റ് സ്ഥാപിക്കുക.