ചെങ്ങന്നൂർ : പഞ്ചായത്തിലെ സ്കൂൾ കുട്ടികൾക്ക് പ്രഭാത ഭക്ഷണം നല്കുന്ന പദ്ധതിയുമായി മുളക്കുഴ പഞ്ചായത്ത്. 2025-26 വാർഷിക പദ്ധതിയിൽ ഉൾപ്പെടുത്തിയാണ് പ്രഭാത ഭക്ഷണം നൽകുന്നത്. ഒരു കുട്ടിക്ക് 20 രൂപ നിരക്കിൽ നല്കുന്ന പദ്ധതിയിൽ പഞ്ചായത്തിലെ എല്ലാ ഗവ.എൽപി സ്കൂൾ വിദ്യാർത്ഥികൾക്കും പ്രഭാത ഭക്ഷണം അതാത് സ്കൂളിൽ തയാറാക്കി നല്കും വിധമാണ് പദ്ധതി നടപ്പിലാക്കുന്നത്. മുൻവർഷങ്ങളിലും പ്രഭാത ഭക്ഷണം പദ്ധതി നടപ്പിലാക്കിയിരുന്നു. പ്രഭാത ഭക്ഷണം നൽകൽ ഉദ്ഘാടനം അരീക്കര വട്ടമോടി ഗവ.എൽ.പി.സ്കൂളിൽ പഞ്ചായത്ത് പ്രസിഡന്റ് രമാമോഹൻ നിർവഹിച്ചു. ആരോഗ്യ വിദ്യാഭ്യാസ സ്ഥിരം സമിതി അംഗം മഞ്ജുവിനോദ് അദ്ധക്ഷ്യയായി. ഹെസ്മിസ്ട്രസ് വി.ബിജലി, എസ്.എം എസ് ചെയർമാൻ ശ്രീജാ ഗോപൻ, നിത്യാ സുരേഷ്, താഹിറാ ബീഗം, അമൃതാ രാജ് എന്നിവർ സംസാരിച്ചു.