തിരുവല്ല : പെരിങ്ങര ഗ്രാമപഞ്ചായത്തിന്റെയും കൃഷിഭവന്റെയും ആഭിമുഖ്യത്തിൽ കർഷക ദിനാചരണവും കർഷകരെ ആദരിക്കലും നടത്തി. മാത്യു ടി.തോമസ് എം.എൽ.എ കർഷക ദിനാചരണം ഉദ്ഘാടനം ചെയ്തു. പഞ്ചായത്ത് പ്രസിഡന്റ് ഏബ്രഹാം തോമസ് അദ്ധ്യക്ഷത വഹിച്ചു. ജില്ലാ പഞ്ചായത്തംഗം മായ അനിൽകുമാർ മുഖ്യപ്രഭാഷണം നടത്തി. ബ്ലോക്ക് വൈസ് പ്രസിഡന്റ് സോമൻ താമരച്ചാലിൽ, ഗ്രാമപഞ്ചായത്ത് അംഗങ്ങൾ, കാർഷിക വികസനസമിതി അംഗങ്ങൾ എന്നിവർ പ്രസംഗിച്ചു, പദ്ധതി വിശദീകരണവും കാർഷിക സെമിനാറിനും കൃഷി അസിസ്റ്റന്റ് ഡയറക്ടർ ഡോ.അഞ്ചു മറിയം ജോസഫ്, കൃഷി അസിസ്റ്റന്റ് ഷിനോജ് എസ്.എസ്, എന്നിവർ നേതൃത്വം നൽകി. വിവിധ മേഖലകളിലെ മികച്ച കർഷകർക്ക് അവാർഡ് നൽകി. കൂടാതെ 15 വാർഡുകളിൽ നിന്ന് തിരഞ്ഞെടുത്ത 75 കർഷകരെ പഞ്ചായത്ത് തലത്തിൽ ആദരിച്ചു.