അടൂർ : സംസ്ഥാനത്ത് ചക്ക സംസ്കരണ മൂല്യ വർദ്ധിത ഉൽപ്പന്ന നിർമ്മാണത്തിൽ ഒന്നാം സ്ഥാനം ലഭിച്ച ഏഴംകുളം പുതുമല ഒലിവ് വില്ലയിൽ തങ്കച്ചൻ യോഹന്നാനെ അനുമോദിക്കുന്നതിനും കർഷക ദിനാചരണം നടത്തുന്നതിനമായി കേരള കോൺഗ്രസ് (എം) സംസ്കാര വേദി സംസ്ഥാന കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച യോഗം ജില്ലാ പഞ്ചായത്ത് പ്രസിഡന്റ് ജോർജ് ഏബ്രഹാം ഉദ്ഘാടനം ചെയ്തു. സംസ്കാര വേദി സംസ്ഥാന പ്രസിഡന്റ് ഡോ വർഗീസ് പേരയിൽ അദ്ധ്യക്ഷത വഹിച്ചു. ഫാ ജോസഫ് സാമുവൽ തറയിൽ, പഞ്ചായത്ത് പ്രസിഡന്റ് ആശ വിഎസ്, പഞ്ചായത്ത് അംഗങ്ങളായ ബാബു ജോൺ,ബീന ജോർജ്, അഡ്വ താജുദ്ദീൻ, അജി പാണ്ടിക്കുടി, തോമസ് മാത്യു, രാമകൃഷ്ണൻ, തോമസ് പേരയിൽ, സുധാമണി , ഷൈജു നല്ലൂർ പടിഞ്ഞാറ്റതിൽ തുടങ്ങിയവർ പ്രസംഗിച്ചു.