പത്തനംതിട്ട: മലങ്കര കത്തോലിക്കാ സഭ 95ാം പുനരൈക്യ വാർഷികവും സഭാസംഗമവും പത്തനംതിട്ട രൂപതയുടെ നേതൃത്വത്തിൽ സെപ്തംബർ 16 മുതൽ 20 വരെ അടൂർ ഓൾ സെയിന്റ്സ് പബ്ലിക് സ്‌കൂളിലെ മാർ ഇവാനിയോസ് നഗറിൽ നടക്കും. 16 ന് വൈകിട്ട് അഞ്ചിന് വിവിധ പ്രയാണങ്ങൾക്ക് സമ്മേളന നഗറിൽ സ്വീകരണം നൽകും. കർദിനാൾ മാർ ബസേലിയോസ് ക്ലീമീസ് കാതോലിക്കാബാവ പതാക ഉയർത്തും. ഡെപ്യൂട്ടി സ്പീക്കർ ചിറ്റയം ഗോപകുമാർ, അടൂർ നഗരസഭ ചെയർമാൻ കെ.മഹേഷ് കുമാർ എന്നിവർ സംസാരിക്കും. 17 മുതൽ 19 വരെ വൈകിട്ട് 6.30ന് ബൈബിൾ കൺവെൻഷൻ.ആർച്ച് ബിഷപ് തോമസ് മാർ കൂറിലോസ് കൺവെൻഷൻ ഉദ്ഘാടനം ചെയ്യും. 19ന് 1.30ന് അല്മായ സംഗമം പ്രതിപക്ഷനേതാവ് വി.ഡി. സതീശൻ ഉദ്ഘാടനം ചെയ്യും. തട്ട സെന്റ് ആന്റണീസ് പള്ളിയിൽ നടക്കുന്ന യുവജന സംഗമം മന്ത്രി റോഷി അഗസ്റ്റിൻ ഉദ്ഘാടനം ചെയ്യും.കുട്ടികളുടെ സംഗമം ആനന്ദപ്പള്ളി സെന്റ് മേരീസ് പള്ളിയിൽ മന്ത്രി വീണാ ജോർജ് ഉദ്ഘാടനം ചെയ്യും. വൈകിട്ട് 5.30ന് നിഖ്യാ സുന്നഹദോസിന്റെ 1700 ാം വാർഷികം ജോസഫ് മാർ ബർണബാസ് സഫ്രഗൻ മെത്രാപ്പൊലീത്ത ഉദ്ഘാടനം ചെയ്യും. 20ന് മലങ്കര സുറിയാനി കത്തോലിക്കാ സഭാസംഗമം. കാഞ്ഞിരപ്പള്ളി രൂപതാദ്ധ്യക്ഷൻ മാർ ജോസ് പുളിക്കൽ വചനസന്ദേശം നൽകും.11.45ന് മാർ ഈവാനിയോസ് മെത്രാഭിഷേക ശതാബ്ദി സമാപനം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. കർദിനാൾ മാർ ബസേലിയോസ് ക്ലീമീസ് കാതോലിക്കാ ബാവ അദ്ധ്യക്ഷത വഹിക്കും. പി.എസ് ശ്രീധരൻപിള്ള, രമേശ് ചെന്നിത്തല എന്നിവർ പ്രസംഗിക്കും.