ചെങ്ങന്നൂർ : നഗരമദ്ധ്യത്തിൽ നിന്ന് പെരുമ്പാമ്പിനെ പിടികൂടി. എം.സി. റോഡിൽ നിന്ന് ജില്ലാ ആശുപത്രിയിലേയ്ക്ക് പോകുന്ന വഴി ജില്ലാ ആശുപത്രിയുടെ മതിൽ കെട്ടിനു സമീപത്തെ പാറകൾക്കിടയിൽ നിന്നാണ് നാലര അടി നീളമുള്ള പെരുമ്പാമ്പിനെ പിടികൂടിയത്. ഇന്നലെ രാവിലെ നഗരസഭാ ശുചീകരണ തൊഴിലാളികൾ റോഡരുകിലെ പുല്ലുകൾ വെട്ടി മാറ്റുന്നതിനിടയിലാണ് പെരുമ്പാമ്പിനെ കണ്ടത്. ജീവനക്കാർ അറിയിച്ചതനുസരിച്ച് സ്ഥലത്തെത്തിയ സീനിയർ പബ്ലിക് ഹെൽത്ത് ഇൻസ്‌പെക്ടർ സി.നിഷ വിവരം വനം വകുപ്പ് ഉദ്യോഗസ്ഥരെ അറിയിക്കുകയായിരുന്നു. സ്ഥലത്തെത്തിയ പൂമല സ്വദേശി സാം ജോണാണ് പാറകൾക്കിടയിൽ നിന്നും പെരുമ്പാമ്പിനെ പിടികൂടിയത്. പെരുമ്പാമ്പിനെ പിന്നീട് വനം വകുപ്പിന്‌കൈമാറി.