പത്തനംതിട്ട ജില്ലാ സ്‌പോർട്‌സ് കൗൺസിലിന്റെയും കേരള ഗസറ്റഡ് ഓഫീസേഴ്‌സ് അസോസിയേഷന്റെയും സംയുക്താഭിമുഖ്യത്തിൽ നടന്ന കായികമേള ജില്ലാ സ്‌പോർട്‌സ് കൗൺസിൽ പ്രസിഡന്റ് കെ. അനിൽകുമാർ ഉദ്ഘാടനം ചെയ്തു. ഗസറ്റഡ് ഓഫീസേഴ്‌സ് അസോസിയേഷൻ സംസ്ഥാന സെക്രട്ടേറിയറ്റ് അംഗങ്ങളായ കെ പ്രവീൺ , ഡോ. ജാനകി ദാസ്, ജില്ലാ സെക്രട്ടറി ഡോ. സുമേഷ് വാസുദേവൻ, ട്രഷറർ ഉധീഷ്. യു, ജില്ലാ വനിതാ കൺവീനർ സുനില എൻ എസ്, എന്നിവർ സംസാരിച്ചു. അടൂർ ടീം ഓവറോൾ ചാമ്പ്യന്മാരായി. റാന്നി രണ്ടാം സ്ഥാനവും, പത്തനംതിട്ട ഈസ്റ്റ് മൂന്നാം സ്ഥാനത്തും നേടി.