ചെങ്ങന്നൂർ : കാരയ്ക്കാട് കേന്ദ്രമായി പ്രവർത്തിക്കുന്ന 'കസവ് കാരയ്ക്കാട്' (കാരയ്ക്കാട് സാംസ്കാരിക വേദി) കലാ സാംസ്കാരിക സംഘടനയുടെ ആദ്യ കസവ് പുരസ്കാരം കരുണ പെയിൻ ആൻഡ് പാലിയേറ്റീവ് കെയർ സൊസൈറ്റി ചെയർമാൻ മന്ത്രി സജി ചെറിയാന് നൽകും. സാന്ത്വന പരിചരണ, ജീവകാരുണ്യ പ്രവർത്തനങ്ങളിലെ സമഗ്ര സംഭാവനകളും നേതൃത്വപരമായ പങ്കും പരിഗണിച്ചാണ് പുരസ്കാരം നൽകുന്നത്. 20000/ രൂപയും ഫലകവും പ്രശസ്തിപത്രവും ഫലകവും അടങ്ങുന്നതാണ് പുരസ്കാരം.

നാളെ ഉച്ചയ്ക്ക് 3.30ന് കാരയ്ക്കാട് എസ്. എച്ച്. വി. ഹൈസ്കൂളിൽ കസവ് നാട്ടുത്സവത്തോടനുബന്ധിച്ച് നടക്കുന്ന സാംസ്കാരിക സമ്മേളനത്തിൽ മന്ത്രി പി.പ്രസാദ് പുരസ്കാരം സമർപ്പിക്കും. കസവിന്റെ ആഭിമുഖ്യത്തിൽ , 30, 31 തീയതികളിൽ "കസവ് നാട്ടുത്സവം 2025" സംഘടിപ്പിക്കുന്നു. ഇതിനോടനുബന്ധിച്ച് സാംസ്കാരിക വകുപ്പിന്റെ ഫെല്ലോഷിപ്പ് പദ്ധതിയുടെ ഭാഗമായി നാടൻ കലാരൂപങ്ങളുടെ സൗജന്യ പരിശീലന പരിപാടി ഫോക് ലോര്‍ അക്കാദമി ചെയർമാൻ ഒ.എസ് ഉണ്ണികൃഷ്ണൻ ഉദ്ഘാടനം ചെയ്യും. വിവിധ മേഖലകളിലെ പ്രതിഭകൾക്ക് ആദരവ്, അനുമോദനം, കലാപരിപാടികൾ, ഓണാഘോഷ പരിപാടികൾ, ചിത്ര -കരകൗശല-ഫോട്ടോ പ്രദർശനം എന്നിവയും ഉണ്ടായിരിക്കുമെന്ന് കസവ് പ്രസിഡന്റ് കൃഷ്ണകുമാർ കാരക്കാട്, സെക്രട്ടറി കെ.ശ്രീരാജ്, ജനറൽ കൺവീനർ വി.ആർ സതീഷ് കുമാർ , രക്ഷാധികാര സമിതിയംഗം റോയി ടി മാത്യു, ജോയിന്റ് സെക്രട്ടറി വി.കെ സുരേഷ് ബാബു,വൈസ് പ്രസിഡന്റ് ഷജീവ് കെ.നാരായണൻ എന്നിവർ വാർത്താ സമ്മേളനത്തിൽ അറിയിച്ചു.