കൊല്ലം: മദ്യക്കുപ്പികൾ തിരികെ വാങ്ങി പണം നൽകാനുള്ള തീരുമാനം അപ്രായോഗികമാണെന്ന് കെ.എസ്.ബി.സി സ്റ്റാഫ് ഓർഗനൈസേഷൻ (ഐ.എൻ.ടി​.യു.സി) സംസ്ഥാന കമ്മിറ്റി അഭിപ്രായപ്പെട്ടു. ഇത് ജീവനക്കാർക്ക് ജോലി​ഭാരമുണ്ടാക്കും. ഉപഭോക്താക്കളെ കൊള്ളയടി​ക്കാനുള്ള കുറുക്കുവഴി​യാണ്. ഇതിനകം തന്നെ അപ്രായോഗികം എന്നു തെളിഞ്ഞ ഷിഫ്റ്റ്സമ്പ്രദായം പൂർണമായും പിൻവലിക്കണമെന്ന് യോഗം ആവശ്യപ്പെട്ടു. കൊല്ലം ഡി.സി.സി ഓഫീസിൽ നടന്ന യോഗം ഡി.സി.സി വൈസ് പ്രസിഡന്റ് എസ്. വിപനചന്ദ്രൻ ഉദ്ഘാടനം ചെയ്തു.

ആറ്റിങ്ങൽ അജിത് കുമാർ അദ്ധ്യക്ഷത വഹി​ച്ചു. കുരീപ്പുഴ വിജയൻ, സംസ്ഥാന ജനറൽ സെക്രട്ടറി ആർ. രാകേഷ്, ദിനേഷ് കുമാർ, ആശ്രാമം സജീവ്, സജി പുതുശ്ശേരി, സി​. അനിൽ, വി​. രതീഷ്, അരുൺ ടി.ബാലകൃഷ്ണൻ, വി​. അജിത് കുമാർ തുടങ്ങിയവർ സംസാരിച്ചു. സംസ്ഥാന സെക്രട്ടറിയായി ആശ്രമം സജീവ്, ജില്ലാ ജനറൽ സെക്രട്ടറിയായി ഡി​.സി​. മനു എന്നിവരെ തിരഞ്ഞെടുത്തു.