കൊല്ലം: കർക്കടമാസം രാമായണ മാസമായി ആഘോഷിക്കുന്നതിന്റെ ഭാഗമായി കൊല്ലം ശ്രീ പുതിയകാവ് ഭഗവതി ക്ഷേത്രം സ്‌കൂൾ, കോളേജ് വിദ്യാർത്ഥികൾക്കായി രാമായണ ചിത്രരചന, ക്വിസ്, പ്രസംഗം, പാരായണം മത്സരങ്ങൾ നടത്തും. 9ന് രാവിലെ 9ന് ചിത്രരചന, 11ന് ക്വിസ്, 2ന് പാരായണം, 3ന് പ്രസംഗം എന്നിങ്ങനെയാണ് സമയക്രമം. ക്വിസ് മത്സരത്തിന് എൽ.പി, യു.പി, ഹൈസ്‌കൂൾ, കോളേജ് എന്നീ വിഭാഗങ്ങളിൽ നിന്ന് 2 കുട്ടികൾ വീതം പങ്കെടുക്കാം. മറ്റ് മത്സരങ്ങൾക്ക് ഒരു വിദ്യാലയത്തിൽ നിന്ന് എത്ര കുട്ടികൾക്കും പങ്കെടുക്കാം. വിദ്യാർത്ഥികൾക്കുളള ഭക്ഷണം ക്ഷേത്രത്തിൽ നിന്ന് നൽകും. വിജയികൾക്ക് 15ന് വൈകിട്ട് 4.30ന് ക്ഷേത്രത്തിൽ നടക്കുന്ന രാമായണ സമ്മേളനത്തിൽ സമ്മാനം നൽകും. ഏറ്റവും കൂടുതൽ മത്സരാർത്ഥികളെ പങ്കെടുപ്പിക്കുന്ന വിദ്യാലയങ്ങൾക്ക് പ്രോത്സാഹന സമ്മാനങ്ങൾ നൽകും. മത്സരാർത്ഥികളുടെ പേര് 6ന് മുമ്പ് രേഖാമൂലം ക്ഷേത്രത്തിൽ അറിയിക്കണം. ഫോൺ​: 9895198574, 8301042088, 9447858475, 0474 - 2767136, 2740265