കൊല്ലം: സംസ്ഥാന സബ് ജൂനിയർ ഗേൾസ് ഫുട്ബാൾ ചാമ്പ്യൻഷിപ്പിൽ ഏകപക്ഷീയമായി മൂന്ന് ഗോളുകൾക്ക് എറണാകുളത്തെ പരാജയപ്പെടുത്തി തൃശൂർ ജേതാക്കളായി. ഒന്നിനെതിരെ രണ്ട് ഗോളുകൾക്ക് കണ്ണൂർ കൊല്ലത്തെ മറികടന്ന് മൂന്നാം സ്ഥാനത്തെത്തി.

ചാമ്പ്യൻഷിപ്പിലെ മികച്ച താരമായി സാവന്തി (തൃശൂർ), പ്രതിരോധ താരമായി നൈന (എറണാകുളം), മികച്ച കീപ്പർ ശ്രീനന്ദ (തൃശൂർ) എന്നിവരെ തിരഞ്ഞെടുത്തു. സമാപന സമ്മേളനത്തിൽ ചവറ ബ്ലോക്ക് പഞ്ചായത്ത് പ്രസിഡന്റ് സന്തോഷ് തുപ്പാശേരി അദ്ധ്യക്ഷനായി. സൗത്ത് ഇന്ത്യൻ വിനോദ് സമ്മാനദാനം നിർവഹിച്ചു. ചവറ ഐ.ആർ.ഇ ജനറൽ മാനേജർ

കെ.എസ്.ഭക്തദർശൻ, കൗൺസിൽ നിരീക്ഷകൻ ആർ.ജയകൃഷ്ണൻ, കെ.എഫ്.എ ട്രഷറർ ഡോ. റജിനോൾഡ് വർഗീസ്, ജോ. സെക്രട്ടറി കെ.എ.വിജയകുമാർ, ഡി.എഫ്.എ പ്രസിഡന്റ് പന്മന മഞ്ജേഷ്, സെക്രട്ടറി എ.ഹിജാസ്, ജി.ദ്വാരക മോഹൻ, കെ.ഗംഗാധരൻ, ബി.രാജേന്ദ്രൻ, മുരളീധരൻ, ഉണ്ണിക്കൃഷ്ണൻ, രവി ചവറ, റൂബി ബഷീർ, എം.പി.അഭിലാഷ്, ഡോ. മനീഷ് റഷിദ്, ഡോ. മഹേഷ്.എം.പിള്ള, ടി.മുരുകദാസ്, അനന്തകൃഷ്ണൻ എന്നിവർ സംസാരിച്ചു.