ചാത്തന്നൂർ: വേളമാനൂർ സ്നേഹാശ്രമത്തിലെ വൃദ്ധമാതാപിതാക്കൾക്ക് ഓണസമ്മാനമായി കെ.എസ്.എഫ്.ഇ സി.എസ്.ആർ ഫണ്ടിൽ നിന്ന് വാങ്ങിയ പത്തുലക്ഷംരൂപയുടെ മാരുതി ബ്രീസ കാറിന്റെ താക്കോൽദാനം മന്ത്രി കെ.എൻ.ബാലഗോപാൽ വേളമാനൂർ ഗാന്ധിഭവൻ സ്നേഹാശ്രമം ഡയറക്ടർ പത്മാലയം ആർ.രാധാകൃഷണന് കൈമാറി. മന്ത്രിയുടെ ഓഫീസിൽ നടന്ന ചടങ്ങിൽ കെ.എസ്.എഫ്.ഇ ചെയർമാൻ കെ.വരദരാജൻ അദ്ധ്യക്ഷനായി. ഗാന്ധിഭവൻ സെക്രട്ടറി ഡോ. പുനലൂർ സോമരാജൻ മുഖ്യസന്ദേശം നൽകി. ഗാന്ധിഭവൻ ചെയർപേഴ്സൺ ഡോ.ഷാഹിദാകമാൽ, മാനേജിംഗ് ഡയറക്ടർ ബി.ശശികുമാർ, അഡ്മിനിസ്ട്രേറ്റീവ് ഓഫീസർ ബി.മോഹനൻ, അസി.സെക്രട്ടറി ജി.ഭുവനചന്ദ്രൻ, സ്നേഹാശ്രമം സെക്രട്ടറി പി.എം.രാധാകൃഷ്ണൻ എന്നിവർ പങ്കെടുത്തു.