ആ​ല​പ്പു​ഴ തു​മ്പോ​ളി​യിൽ ജ​നി​ച്ച സാ​നു​മാ​ഷ് കു​ട്ടി​ക്കാ​ലം മു​തൽ ജാ​തി വി​വേ​ച​ന​ങ്ങൾ ക​ണ്ടാ​ണ് വ​ളർ​ന്ന​ത്. അ​തു​കൊണ്ടാകാം അ​ദ്ദേ​ഹ​ത്തിന്റെ ജീ​വി​തവീ​ക്ഷ​ണ​ത്തിൽ ശ്രീ​നാ​രാ​യ​ണഗു​രു​ദേവനും അദ്ദേഹത്തിന്റെ ​ദർ​ശ​ന​ങ്ങ​ളും നിർ​ണാ​യ​ക സ്വാ​ധീ​നം ചെ​ലു​ത്തി​യ​ത്. മ​ന​സിൽ എ​ന്നും ഗു​രു​സ്ഥാ​ന​ത്ത് ശ്രീ​നാ​രാ​യ​ണ ഗു​രു​ദേവനാ​യി​രു​ന്നു.

ഗു​രു​ദേ​വ​നെ കുറിച്ച് ഏ​റ്റ​വും ആ​ഴത്തിലുള്ള ജീ​വ​ച​രി​ത്ര​ങ്ങ​ളി​ലൊന്ന് സാ​നു​മാ​ഷിന്റേതാണ്. ഗു​രു​ദേവന്റെ ന​വോ​ത്ഥാ​ന ചി​ന്ത​കൾ കാ​ല​ത്തി​ന​നു​സ​രി​ച്ച് ന​വീ​ക​രി​ച്ച് സ​മൂ​ഹ​ത്തി​ന് അദ്ദേഹം പ​കർന്നു. ആ​ശാൻ ക​വി​ത​ക​ളി​ലെ അ​ന്തഃസ​ത്ത​യും അ​രി​സ്റ്റോ​ട്ടി​ലിന്റെ നാ​ട​ക ദർ​ശ​ന​ങ്ങ​ളും ഗ്രീ​ക്ക് ട്രാ​ജ​ഡി​ക​ളു​മൊ​ക്കെ അ​ദ്ദേ​ഹം പഠ​ന​വി​ധേ​യ​മാ​ക്കി. അ​ദ്ധ്യാ​പ​ന​വും സാ​ഹി​ത്യവി​മർ​ശ​ന​വും പ്ര​സം​ഗ​വും എ​ഴു​ത്തും അ​ദ്ദേ​ഹ​ത്തി​ന് ല​ഹ​രി​യാ​യി​രു​ന്നു. പ്രാ​യ​ത്തി​നപ്പുറം പ​ടർ​ന്ന സൗ​ഹൃ​ദ​വ​ല​യ​ത്തിനു​ട​മ​യാ​ണ് ഒ​രുനൂ​റ്റാ​ണ്ടോ​ളം അ​ക്ഷ​ര വെ​ളി​ച്ചം ചൊ​രി​ഞ്ഞ സാ​നു​മാ​ഷ്. 97​-ാം വ​യ​സി​ലും തീ​ക്ഷ്ണ​മാ​യ ചി​ന്ത​യും അ​ടു​ക്കു​ള്ള ഓർ​മ്മ​ക​ളും അ​ര​ക്കി​ട്ടു​റ​പ്പി​ച്ച നി​ല​പാ​ടു​ക​ളു​മാ​യി എ​ഴു​ത്തിന്റെ​യും വാ​യ​ന​യു​ടെയും സാ​മൂ​ഹ്യ​സേ​വ​ന​ത്തിന്റെ​യും രം​ഗ​ത്ത് മ​ഹാ​മേ​രു​പോ​ലെ നിലനിന്നു.

അ​ദ്ധ്യാ​പ​കൻ, വാ​ഗ്മി, നി​രൂ​പ​കൻ, പ​ത്ര​പ്ര​വർ​ത്ത​കൻ, എ​ഴു​ത്തു​കാ​രൻ, ചി​ന്ത​കൻ, മ​നു​ഷ്യാ​വ​കാ​ശ പ്ര​വർ​ത്ത​കൻ എ​ന്നീ നി​ല​ക​ളി​ലും പ്ര​ശ​സ്​ത​നാ​ണ്. മ​ല​യാ​ള ഭാ​ഷ​യു​ടെ​യും സാ​ഹി​ത്യ​ത്തിന്റെ​യും സാം​സ്​കാ​രി​ക കേ​ര​ള​ത്തിന്റെ​യും ശ​ബ്ദ​മാകാൻ ക​ഴി​ഞ്ഞ അ​പൂർ​വം പ്ര​തി​ഭ​ക​ളിൽ ഓ​രാ​ളാ​യി​രു​ന്നു അ​ദ്ദേ​ഹം. ഇ​ത്ര​യ​ധി​കം ജീ​വ​ച​രി​ത്ര ഗ്ര​ന്ഥ​ങ്ങൾ ര​ചി​ച്ച ഒ​രു എ​ഴു​ത്തു​കാ​രൻ മ​ല​യാ​ള​ത്തി​ലെ​ന്ന​ല്ല മറുഭാ​ഷ​ക​ളി​ലും ഉ​ണ്ടാ​യി​ട്ടി​ല്ലെന്ന് നി​സം​ശ​യം പ​റ​യാം. ജീ​വ​ച​രി​ത്ര ര​ച​ന​യു​ടെ കാ​ര്യ​ത്തിൽ മാ​ഷ് ഒ​രു അ​ത്ഭു​ത​മാ​യി​രു​ന്നു.
ജാ​തി-മ​ത-വർ​ഗ ചി​ന്ത​കൾ​ക്ക് അ​തീത​മാ​യി എ​ല്ലാ​വർ​ക്കും നന്മ ചെ​യ്യാൻ മാ​ഷ് എ​പ്പോ​ഴും ശ്ര​ദ്ധി​ച്ചി​രു​ന്നു. മാ​ഷിന്റെ സാ​മൂ​ഹ്യ​പ്ര​തി​ബ​ദ്ധ​ത​യു​ടെ ദൃ​ഷ്ടാ​ന്ത​ങ്ങ​ളാ​ണ് കൊ​ച്ചി​യി​ലെ കാൻ​സർ സെന്റ​റും ദീർ​ഘ​കാ​ല രോ​ഗി​ക​ളാ​യ മൂ​വാ​യി​ര​ത്തോ​ളം കു​ട്ടി​ക​ളെ സ​ഹാ​യി​ക്കു​ന്ന സൊ​ല​സ് സെന്റ​റും.
കു​ങ്കു​മം വാ​രി​ക​യിൽ മു​ഴു​വൻ സ​മ​യ പ​ത്രാ​ധി​പ​രാ​യി​രി​ക്കെ അ​ദ്ദേ​ഹം സാ​മൂ​ഹ്യ, സാം​സ്​കാ​രി​ക, വി​ദ്യാ​ഭ്യാ​സ മ​ണ്ഡ​ല​ങ്ങ​ളിൽ കൊ​ല്ല​ത്തിന്റെ നി​റ​സാ​ന്നി​ദ്ധ്യ​മാ​യി​രു​ന്നു. അ​ദ്ദേ​ഹ​ത്തിന്റെ പ്ര​സം​ഗം കേൾ​ക്കാൻ എ​വി​ടെ​യും ഞ​ങ്ങൾ പോ​കു​മാ​യി​രു​ന്നു. ഓ​രോ പ്ര​സം​ഗ​വും സ​ദ​സി​നെ ആ​കർ​ഷി​ക്ക​ത്ത​ക്ക​വി​ധം തീ​ക്ഷ്​ണ​വും ചി​ന്ത​നീ​യ​വും അ​റി​വിന്റെ​യും നൂ​ത​നാ​ശ​യ​ങ്ങ​ളു​ടെ​യും വി​ത്തു​കൾ പ​കാൻ ശേ​ഷി​യു​ള്ള​തുമായി​രു​ന്നു. അ​ക്കാ​ല​ത്ത് കൊ​ല്ല​ത്ത് ശ്രീ​നാ​രാ​യ​ണ സം​സ്​കാ​രി​ക സ​മി​തി​യു​ടെ നേ​തൃ​ത്വ​ത്തിൽ ശ്രീ​നാ​രാ​യ​ണ ഓ​പ്പൺ യൂ​ണി​വേ​ഴ്‌​സി​റ്റി എ​ന്ന പേ​രിൽ ബി​രു​ദാ​ന​ന്ത​ര ബി​രു​ദ ക്ലാ​സു​കൾ (എം.എ ഇം​ഗ്ലീ​ഷ്, എം.എ മ​ല​യാ​ളം) ന​ട​ത്തി​യി​രു​ന്നു. കു​ങ്കു​മം വാ​രി​ക​യു​ടെ പ​ത്രാ​ധിപ​രാ​യി കൊ​ല്ല​ത്ത് ഉ​ണ്ടാ​യി​രു​ന്ന കാ​ല​ത്ത് എം.എ മ​ല​യാ​ളം വി​ദ്യാർ​ത്ഥി​കൾ​ക്ക് ക്ലാ​സെ​ടു​ക്കാൻ വ​ള​രെ താ​ല്​പ​ര്യ​ത്തോ​ടെ മാ​ഷ് എ​ത്തി​യി​രു​ന്ന​ത് സ്‌​നേ​ഹ​പൂർ​വം ഓർ​ക്കു​ന്നു.
അ​ക്കാ​ല​ത്ത് സി.ബി.എ​സ്.ഇ സ്​കൂ​ളു​കൾ വി​ര​ള​മാ​യി​രു​ന്നു. ശ്രീ​നാ​രാ​യ​ണ എ​ഡ്യു​ക്കേ​ഷ​ണൽ സൊ​സൈ​റ്റി​യു​ടെ നേ​തൃ​ത്വ​ത്തിൽ കൊ​ല്ല​ത്ത് ശ്രീ​നാ​രാ​യ​ണ പ​ബ്ലിക്ക് സ്​കൂൾ തു​ട​ങ്ങു​ന്ന​തി​ന് സം​സ്ഥാ​ന സർ​ക്കാ​രി​നോ​ട് അ​ഭ്യർ​ത്ഥി​ച്ചി​രു​ന്ന സ​മ​യ​ത്ത് സി.ബി.എ​സ്.ഇ സ്​കൂ​ളു​കൾ​ക്ക് അ​നു​വാ​ദം കൊ​ടു​ക്കേ​ണ്ട എ​ന്ന സം​സ്ഥാ​ന സർ​ക്കാ​രിന്റെ പോ​ളി​സി​യിൽ മാ​റ്റം ഉ​ണ്ടാ​ക്കാ​നും സാ​നു​മാ​ഷിന്റെ സ​ഹാ​യ​ത്തോ​ടെ അ​നു​കൂ​ല തീ​രു​മാ​നം നേ​ടി​യെ​ടു​ക്കു​ന്ന​തി​നും സാ​ധി​ച്ചു. അ​ത് കൊ​ല്ല​ത്തിന്റെ വി​ദ്യാ​ഭ്യാ​സ സാം​സ്​കാ​രി​ക മേ​ഖ​ല​യിൽ ഉ​ണ്ടാ​ക്കി​യ വിപ്ളവകരമായ മാ​റ്റം വ​ള​രെ വ​ലു​താ​ണ്. ശ്രീ​നാ​രാ​യ​ണ പ​ബ്ലിക്ക് സ്​കൂൾ വ​ട​ക്കേ​വി​ള, ശ്രീ​നാ​രാ​യ​ണ പ​ബ്ലിക്ക് സ്​കൂൾ കി​ഴ​വൂർ, ശ്രീ​നാ​രാ​യ​ണ പ​ബ്ലി​ക്ക് സ്​കൂൾ ചാ​ത്ത​ന്നൂർ, ശ്രീ​നാ​രാ​യ​ണ ഇൻ​സ്റ്റി​റ്റ്യൂ​ട്ട് ഒ​ഫ് ടെ​ക്‌​നോ​ള​ജി, ശ്രീ​നാ​രാ​യ​ണ കോ​ളേ​ജ് ഒ​ഫ് ടെ​ക്‌​നോ​ള​ജി, വ​ട​ക്കേ​വി​ള, ശ്രീ​നാ​രാ​യ​ണ ആ​യുർ​വേ​ദ മെ​ഡി​ക്കൽ കോ​ളേ​ജ് പു​ത്തൂർ തു​ട​ങ്ങി​യ ക​ലാ​ല​യ​ങ്ങൾ തു​ട​ങ്ങാൻ ഞ​ങ്ങൾ​ക്ക് പ്ര​ചോ​ദ​ന​മാ​യി. എ​സ്.എൻ പ​ബ്ലി​ക്ക് സ്​കൂ​ളിന്റെ ആ​ദ്യ കെ​ട്ടി​ട​മാ​യ പൽ​പ്പു ബ്ലോ​ക്കിന്റെ ഉ​ദ്​ഘാ​ട​നം സാ​നു​മാ​ഷിന്റെ സാ​ന്നി​ദ്ധ്യ​ത്തിൽ അ​ന്ന​ത്തെ വി​ദ്യാ​ഭ്യാ​സ മ​ന്ത്രി​യാ​യി​രു​ന്ന കെ.ച​ന്ദ്ര​ശേ​ഖ​ര​നാ​യി​രു​ന്നു നിർവഹിച്ചത്.
സാ​നു മാ​ഷാ​ണ് ശ്രീ​ബു​ദ്ധ ഫൗ​ണ്ടേ​ഷന്റെ ഉ​ദ്​ഘാ​ട​നം നിർവ​ഹി​ച്ച​ത്. പാ​റ്റൂർ ശ്രീ​ബു​ദ്ധ സെൻ​ട്രൽ സ്​കൂൾ, ക​രു​നാ​ഗ​പ്പ​ള്ളി ശ്രീ​ബു​ദ്ധ സെൻ​ട്രൽ സ്​കൂൾ, വ​ള​രെ പ്ര​ശ​സ്​ത​മാ​യ നി​ല​യിൽ പ്ര​വർ​ത്തി​ക്കു​ന്ന ഓ​ട്ടോ​ണ​മ​സ് കോ​ളേ​ജാ​യ ശ്രീ​ബു​ദ്ധ കോ​ളേ​ജ് ഒ​ഫ് എൻ​ജി​നിയ​റിം​ഗ് എ​ന്നീ സ്ഥാ​പ​ന​ങ്ങൾ തു​ട​ങ്ങു​ന്ന​തി​നും പ്ര​ചോ​ദ​ന​മാ​യി.
പ​തി​ന​ഞ്ചോ​ളം സി​വിൽ സർ​വീ​സ് ഉ​ദ്യോ​ഗ​സ്ഥ​രെയും, ഐ.എ​സ്.ആർ.ഒ, വി.എ​സ്.എ​സ്.സി ഉൾ​പ്പ​ടെ​യു​ള്ള സ്ഥാ​പ​ന​ങ്ങ​ളിൽ പ്ര​വർ​ത്തി​ക്കു​ന്ന ശാ​സ്​ത്ര​ജ്ഞൻ​മാർ, പ്ര​ശ​സ്​ത​രാ​യ ഡോ​ക്ടർ​മാർ, എൻ​ജിനി​യർ​മാർ, ഇ​ന്ത്യൻ സൈ​ന്യ​ത്തിൽ പ്ര​വർ​ത്തി​ക്കു​ന്ന ഉ​ന്ന​ത ഉ​ദ്യോ​ഗ​സ്ഥർ, അ​ദ്ധ്യാ​പ​കർ, ബാ​ങ്കിം​ഗ് മേ​ഖ​ല​ക​ളി​ലും മ​റ്റ് മേ​ഖ​ല​ക​ളി​ലും പ്ര​വർ​ത്തി​ക്കു​ന്ന പ്ര​ശ​സ്​ത​രാ​യ വ്യ​ക്തി​കൾ എ​ന്നി​വ​രെ സം​ഭാ​വ​ന​ ചെ​യ്യാൻ സാ​ധി​ച്ച ഈ ക​ലാ​ല​യ​ങ്ങൾ സാ​നു​മാ​ഷി​നോ​ട് ക​ട​പ്പെ​ട്ടി​രി​ക്കു​ന്നു. വി​ദ്യാ​ഭ്യാ​സ, സാ​ഹി​ത്യ, സാ​മൂ​ഹ്യ, സാം​സ്​കാ​രി​ക രം​ഗ​ങ്ങ​ളിൽ സൗ​മ്യ​സാ​ന്നി​ദ്ധ്യ​മാ​യ സാ​നു​മാ​ഷിന്റെ പാ​വ​ന സ്​മ​ര​ണ​യ്​ക്ക് മുന്നിൽ ശ്രീ​നാ​രാ​യ​ണ എ​ഡ്യുക്കേ​ഷ​ണൽ സൊ​സൈ​റ്റി​യു​ടെയും ശ്രീ​ബു​ദ്ധ ഫൗ​ണ്ടേ​ഷന്റെയും സ്‌​നേ​ഹ​വും ​ന്ദി​യും ക​ട​പ്പാ​ടും ന​റു​മ​ല​രു​ക​ളാ​യി അർ​പ്പി​ക്കു​ന്നു.

പ്രൊ​ഫ. കെ.ശ​ശി​കു​മാർ
സെ​ക്ര​ട്ട​റി, ശ്രീ​നാ​രാ​യ​ണ എ​ഡ്യൂ​ക്കേ​ഷ​ണൽ സൊ​സൈ​റ്റി

& ചെ​യർ​മാൻ ശ്രീ​ബു​ദ്ധ ഫൗ​ണ്ടേ​ഷൻ