കൊല്ലം: എസ്.എൻ.ഡി.പി യോഗത്തിന്റെയും എസ്.എൻ ട്രസ്റ്റിന്റെയും അമരത്ത് 30 വർഷം പൂർത്തിയാക്കുന്ന വെള്ളാപ്പള്ളി നടേശന് കൊല്ലത്ത് നൽകുന്ന സ്നേഹാദരവിന്റെ ബ്രോഷർ എം.നൗഷാദ് എം.എൽ.എ പ്രകാശനം ചെയ്തു. എസ്.എൻ.ഡി.പി യോഗം കൗൺസിലർ പി.സുന്ദരൻ ഏറ്റുവാങ്ങി.

ശ്രീനാരായണഗുരു എംപ്ലോയീസ് കൗൺസിൽ കോ- ഓർഡിനേറ്റർ പി.വി.രജിമോൻ, സംസ്ഥാന പ്രസിഡന്റ് ഡോ. എസ്.വിഷ്ണു, ശ്രീനാരായണ റിട്ട. ടീച്ചേഴ്സ് കൗൺസിൽ കൺവീനർ ഡോ. കെ.വി.സനൽകുമാർ, എംപ്ലോയീസ് കൗൺസിൽ എസ്.സി.ആർ.സി ചെയർപേഴ്സൺ ഡോ. ആർച്ച എന്നിവർ പങ്കെടുത്തു.

ശ്രീനാരായണഗുരു എംപ്ലോയീസ് കൗൺസിലിന്റെയും ശ്രീനാരായണ റിട്ട. ടീച്ചേഴ്സ് കൗൺസിലിന്റെയും സംയുക്താഭിമുഖ്യത്തിൽ ഈമാസം 23ന് രാവിലെ 10ന് കൊല്ലം സി.കേശവൻ മെമ്മോറിയൽ ടൗൺ ഹാളിലാണ് വെള്ളാപ്പള്ളി നടേശന് സ്നേഹാദരവ് സമ്മാനിക്കുന്നത്.